Bekanan di desaroyo pa traduktornan literario

• Pa traduktornan ku ta tradusí na hulandes, fries, papiamentu, papiamento òf ingles ta konta: bo por solisitá un beka di desaroyo dos biaha pa aña. Si bo a risibí un supsidio di proyekto anteriormente, ta konta ku e desishon tokante di bo solisitut mas resien mester ta positivo, i no mas ku dies aña pasá. Si ainda bo no a risibí bo promé supsidio di proyekto (pero bo ta kumpli ku un di e sobrá rekisitonan di entrada sí) bo por solisitá un beka di desaroyo seis biaha na total. Di esakinan, bo mester empleá por lo ménos tres pa edukashon òf supervishon.

• Traduktornan ku ta tradusí for di hulandes, fries, papiamentu òf papiamento por solisitá máksimo un biaha pa aña. Si bo ke risibí un di dos (òf siguiente) beka di desaroyo, esun promé (òf anterior) mester keda konkluí ku un plan supsidiá ku un beka di desaroyo.

Ora di risibí un solisitut pa beka di desaroyo, despues di a komprobá si ta kumpli ku e rekisitonan di entrada, nos ta evaluá e plan di desaroyo. Si e metanan di desaroyo deskribí i e presupuesto ta konvinsente i realístiko, ta otorgá e beka di desaroyo. Si bo hasi e solisitut pa un tradukshon di fragmento/fail di promoshon, e ora ei nos ta evaluá e kalidat literario di e teksto fuente proponé tambe, esaki a base di bo motivashon.

Esaki ta referí na e publikashon di un òf vários tradukshon (no nesesariamente literario) den forma di buki, òf na publikashon di un òf vários tradukshon den un revista kultural-literario òf den un kompilashon. Tambe por pensa riba tradukshonnan di comic òf obranan no fikshon, òf riba e tradukshon di un teksto di teatro interpretá pa un kompania di teatro profeshonal, òf por ehèmpel un libreto pa un ópera. Konsultá e splikashon tokante di e areglo pa un deskripshon eksakto.

Aki bo ta haña un resúmen di e revistanan i organisashonnan ku ta risibí un supsidio (multianual) di Nederlands Letterenfonds.

Despues di a entregá un solisitut, bo ta haña un konfirmashon di resibu (outomátiko). Direktiva ta disidí mas pronto posibel, i pa mas tardá ocho siman despues di a risibí un solisitut kompleto. Bo ta haña e desishon via koreo elektróniko. Si e desishon ta positivo, denter di dos siman despues ta transferí e sèn.

Ta tramitá tur proposishon segun órden ku nan a drenta te ora ku yega na e plafòn di supsidio. Despues, ta rechasá tur solisitut pa motibu presupuestario.

Pa hasi un tradukshon di fragmento, bo por skohe for di tur género; fikshon, no fikshon, poesia, literatura pa mucha i hóben, teatro i novela gráfiko. E kriterio di mas importante ta ku ta trata di un teksto literario. Riba e formulario di solisitut bo ta duna un deskripshon (breve) di e kalidat literario di e buki ku ta kontené bo fragmento. A base di e motivashon aki, ta evaluá e título. Nos ta preferá proposishonnan pa tradukshonnan di obranan di outornan ku no (òf no resientemente) a tradusí na hulandes

Pa traha un fail di promoshon, bo por skohe for di tur género; fikshon, no fikshon, poesia, literatura pa mucha i hóben, i novela gráfiko. E fail ta konsistí di:  

• un teksto tradusí di sinku página di buki (aproksimadamente 1500 palabra òf 100 regla di poesia)

• un informe di lektura bon supstansiá, ku por lo ménos tres sugerensia di editornan estranhero na ken e traduktor lo manda e dosié

• Riba e formulario di solisitut bo ta duna un deskripshon (breve) di e kalidat literario di e buki i e oportunidatnan di merkado den e idioma meta. Ta importante pa no skohe un outor ku ya kaba tin un 'traduktor fiho'. Bo no por pidi supsidio si den e último dies aña, ya kaba a publiká dos òf mas buki di e outor den e mésun género den e idioma meta skohé. Eksepshonnan ta posibel den kaso di bon supstansiashon.

• Eksperensia ta siña nos ku editornan tin mas interes pa títulonan sumamente resien, òf pa klásikonan. Aki bo ta haña un ehèmpel di bukinan ku Nederlands Letterenfonds ta promové aktivamente.

Bo tin un aña pa kompletá e plan deskribí.

Ta spera di traduktornan ku ta biba na Flándes ku nan ta hasi uso mas tantu posibel di e areglonan di Literatuur Vlaanderen.

Si, bo por. Den e kaso ei, opviamente bo mester kumpli ku e kondishonnan di e areglo Projectsubsidies voor literaire vertalingen.

Pa traduktornan ku ta tradusí for di hulandes, fries, papiamentu òf papiamento, e editor estranhero por pidi un Translation Grant pa yuda abo komo traduktor ku e gastunan di tradukshon.

Nos ta pidi bo pa menshoná e apoyo di e fondo. Por ehèmpel, si bo hasi un tradukshon di fragmento i bo ta manda esaki na editornan, bo por inkluí e siguiente frase: A realisá e tradukshon di fragmento ku apoyo di un beka di desaroyo di Nederlands Letterenfonds.

Nos no ta eksigí un informe despues ku bo a terminá. Si posteriormente bo hasi un (siguiente) solisitut den e marko di e areglo Projectsubsidies voor literaire vertalingen (Supsidionan di proyekto pa tradukshonnan literario), nos sí ta pidi bo pa splika si – i si ta asina, di ki manera – e beka di desaroyo ku bo a risibí a kontribuí na bo desaroyo propio. Nos ta usa e splikashon aki solamente pa evaluá nos mes trabou. E reflekshon aki no tin niun influensia riba e solisitut nobo i e evaluashon di esaki.