Areglo di Promoshon di Lesamentu

Solamente instansia kultural, organisashon kultural òf entidat hurídiko ku ta aktivo den Reino i ku ta produsí i/òf realisá aktividat pa promoshon di lesamentu òf edukashon di literatura por apliká pa supsidio.

• Skol, universidat i munisipio no por apliká pa supsidio bou di e areglo akí.

• Un organisashon ku ta risibí un supsidio di vários aña di Letterenfonds no por apliká pa supsidio bou di e areglo akí den 2025 i 2026.

• Un aplikante por entregá un máksimo di un aplikashon pa kada buèlta di supsidio. A pesar di esei, e por ta enbolbí den otro proyekto sí, pero komo kolaboradó. Di dos petishon? Si bo a yega di risibí supsidio kaba den e areglo di promoshon di lesamentu, sòru pa bo proyekto anterior ta kompletá na momento ku anunsiá e desishonnan. Esei lo ta mas o ménos kuater pa seis luna despues di e fecha límite di entrega.

Bo aktividat prinsipal ta mas dirigí riba esenario? Bai e areglo Supsidio pa proyekto di programa literario.

Hende ta lesa ménos i e abilidatnan di lesamentu ta deteriorá. Esaki ta un problema, pasobra lesamentu ta oumentá bo oportunidatnan den sosiedat, e ta yuda bo desaroyá, i e ta stimulá pensamentu krítiko. P’esei Letterenfonds ta sostené proyekto pa promoshon di lesamentu, ku e meta pa kontribuí na promoshon di lesamentu na un manera duradero, den konsulta ku e sektor. Nos ta buska spesialmente e proyektonan ku ta komplementá loke tin riba merkado kaba, por ehèmpel, pasobra nan ta usa un konsepto inovativo, ta digitalmente inovativo, ta drenta den asosiashonnan nobo, ta sirbi un region nobo, òf ta yega na un grupo meta ku ta sup-eksponé.

Un proyekto tin un durashon máksimo di 1 aña.

Por pidi supsidio di entre €25.000 i €50.000. Por lo ménos 25% di e gastunan total di e proyekto mester ta finansiá ku rekurso propio òf pa otro medio ku no ta e supsidio di Letterenfonds.

Eksepshon riba esaki ta:

• Pa organisashon basá den Karibe, òf pa organisashon basá na Hulanda europeo ku ta apliká pa un proyekto ku ta tuma lugá den Karibe ku un partner lokal, e porsentahe akí ta 10%.

• Pa aplikashon entregá pa biblioteka, POI (Proviciale Ondersteuningsinstelling, esta institushon di sosten provinsial) òf instansia di sosten nashonal pa biblioteka, por lo ménos 50% di e gastunan total mester ta finansiá ku propio rekurso òf ku otro medio. Pa biblioteka den Karibe, e porsentahe akí ta 10%.

Tin dos buèlta di supsidio pa aña:

• 20 di febrüari 2026 (6.59 PM ora di Karibe, 11:59 PM ora di Hulanda): pa proyekto ku ta kore for di yüli 2026

• 26 di yüni 2026 (17.59 ora di Karibe, 23.59 ora di Hulanda): pa proyekto ku ta kore for di desèmber 2026

Semper lesa e areglo i nota di splikashon kuidadosamente promé. Nan ta inkluí e kondishonnan pa apliká pa supsidio, e dokumentonan nesesario, i kon lo evaluá bo aplikashon. "Kontrolá bon si tur e dokumentonan nesesario ta kompleto i ta kumpli ku e instrukshonnan. E dokumentonan obligatorio ta:" • E plan di proyekto, segun e Formato plan di proyekto.

• Un presupuesto balansá i detayá basá riba e  formato básiko di presupuesto òf bo propio formato.

• Un aklarashon di e presupuesto. Esaki ta splika kon kada punto di presupuesto ta strukturá.

• Un formulario di registrashon aktual, pues un uittreksel di Kámara di Komèrsio.

• E kuenta anual aprobá di mas resien. Organisashon ku un historia hopi kòrtiku i aplikante establesé den Karibe ta no ta konta pa esaki.

• Si ta al kaso: karta di intenshon òf akuerdo di kolaborashon firmá pa tur dos partido, ku ta kontené e detayenan di e kolaborashon. Tene na kuenta: den kaso di kolaborashon ku skol esaki ta obligatorio sigur.

Bo tin tur e dokumentonan nesesario? Ta ora pa entregá bo aplikashon.

E aplikashon mester ta skirbí na hulandes òf ingles. Aplikante pa proyekto relashoná ku idioma di seña hulandes, por entregá un grabashon di vídeo en bes di un plan di proyekto por eskrito.

Lo atendé solamente aplikashon ku ta kompleto. No ta atendé aplikashon ku ta inkompleto pa e fecha límite.

Bo tin sierto duda? Lesa e areglo.

Despues di e fecha límite lo revisá e aplikashonnan ku a drenta. Un komishon di konseho lo evaluá e aplikashonnan ku ta kumpli ku e rekesitonan formal. E komishon ta evaluá e aplikashonnan basá riba e siguiente kriterionan:

• Vishon riba promoshon di lesamentu

• Balor agregá di e proyekto riba e oferta eksistente

• Kalidat i faktibilidat di e plan di proyekto

• Kalidat i faktibilidat di e presupuesto

Den e splikashon di e areglo ta splika mas tokante e kriterionan akí