Subsidio di proyecto pa traductor literario

Como principiante bo por haci peticion solamente si bo tin un Contrato modelo (of plan di publicacion). Traductornan experencia por haci peticion tambe cu un carta di declaracion di intencion. Esaki ta un carta of e-mail di e cas editorial unda ta indica cu lo traha un Contrato modelo pa tal traduccion. Pa mayoria cas editorial esaki ta concepto conoci y un trayecto conoci. E declaracion di intencion ey mester inclui tambe e grandura y e fecha cu ta entrega e traduccion. Despues por entrega e Contrato modelo firma via email (como pdf of copia) pa e fondo. Tuma nota: e fondo ta warda riba e contrato prome cu tuma decision riba bo peticion. Hopi biaha esaki ta nifica cu bo mester manda e contrato no mas tarda cu  dies siman despues cu bo a manda bo peticion.    

Pa poesia ta aplica un honorario diferente cu prosa (basa riba regel cu ta traduci y/of poema). E De Auteursbond y e “Literaire Uitgeversgroep” [Grupo di Cas Editoral Literario] (parti di e Federacion di Media) ta haci palabracionnan anual tocante honorario regular y lo por splica bo mas di esaki.
 
Den casonan specifico por cera un contrato diferente pa traduccion di un poesia extenso.  E mester ta trata di traduccionnan di poesia unda cu si sigui e tarifa minimo ta haci e publicacion di e edición imposibel y unda e cas editorial no tin otro posibilidad di subsidio (manera subsidionan di produccion di fondonan of organisacionnan internacional) pa subsidia e edicion. Den tipo di casonan specifico asina ta miho pa tuma contacto cu un di e specialistanan di subsidio di e fondo; tambe pa haya sa kico ta e exigencianan minimo di  honorario cu e contrato mester cumpli cu ne. Tene cuenta cu si e honorario di e cas editorial ta diferente, e Fondo di Literatura tambe ta aplica un tarifa diferente.  

Si, traduccionnan cu un caracter literario y/of di interes historico-cultural, filosofico, cultural-politico of di interes social ta bin na remarke pa subsidio. Ademas, tambe ta wak kico e texto ta añadi na e surtido Hulandes existente. Textonan cu un caracter mas specialisa, educativo of informativo manera obranan di estudio, consultativo of di resumen no ta cay bou di e areglo aki (y e area di Fondo di Literatura).

Si, ta posibel. Ta importante pa bo menciona den bo peticion cua edicion di e texto fuente bo ta uza. Tambe nos ta pidi pa bo splica e balor agrega di e traduccion nobo. Nos ta mas tanto curioso pa sa bo vision di e buki cu ta bay wordo traduci y bo enfoke: con bo procedimento ta, kico segun bo ta caracteristicanan importante di e texto fuente cu mester ta inclui den e traduccion? No necesariamente bo mester inclui traduccion(nan) anterior. E comision di conseho ta evalua e necesidad pa un traduccion nobo. Nan ta tene cuenta cu e disponibilidad y e edad di e traducion(nan) anterior y e calidad di esaki. Ta conseha y dicidi separa riba cada proposicion pa re-traduccion a base di e criterianan menciona, tambe si e traduccion ta forma parti di un serie.

Si bo haci sigui haci peticion como principiante, e tempo pa trata e peticion ta mas cortico, di manera cu bo ta ricibi e subsidio mas lihe. Tene cuenta cu bo ta ricibi un tarifa mas abou cu traductornan experiencia y cu bo ta bin unicamente na remarke pa e junior-senior toeslag.   

Si bo ta scohe pa haci peticion como traductor experencia, tene cuenta cu e fondo ta evalua e calidad literario of e interes (literario) di e buki cu ta bay traduci tambe, hunto cu e calidad literario di un traduccion recien. Esaki ta implica un periodo di tratamento mas largo, di manera cu bo lo mester warda mas tempo riba un decision (mas informacion tocante esaki ta menciona bou di ‘Deadlines’). Como traductor experencia (ademas di e junior-senior toeslag), bo lo ricibi un tarifa mas halto y haya e posibilidad pa haci peticionnan pa toeslagnan pa grado di dificultad halto, prologo of epilogo of trabounan di seleccion/edita.     

Bo ta haci e traduccion nobo hunto cu un colega? E ora tur dos mester entrega un peticion. Naturalmente tur dos mester cumpli cu e rekisitonan. Riba e formulario bo ta splica e forma di cooperacion. Ta importante pa bo planea suficiente tempo, pa asina tin espacio pa consulta tocante escohencianan di traduccion y pa un redaccion hunto di e traduccion. Si bo ta traha cu mas colega na un traduccion (Dus tin total tres of mas traductor?), e ora bo no por entrega peticion.

Peticionarionan cu ta biba na Belgica ta entrega nan peticion na Literatuur Vlaanderen. Bo por haci peticion na Fondo di Literatura si bo ta biba na un otro pais, pero bo traduccion ta na Hulandes y ta publica pa un cas editorial Hulandes. Peticionarionan di Caribe cu ta parti di Reino Hulandes tambe por acerca Fondo di Literatura (pa peticionnan pa traduccionnan na Papiamento, Papiamentu of Ingles, manera e hablantenan nativo den e parti Caribense di Reino ta uza ).

E grandura di bo traduccion ta para den bo contrato: Pa prosa e ta e cantidad di palabra, pa poesia e ta e cantidad di regel y/of poemanan. Si bo ta traha hunto na un traduccion, ta  determina e reparticion den e contrato. Si no tin un reparticion explicito den e contrato, nos ta sali di un reparticion di 50-50. Bo por haci peticion solamente pa bo parti di traduccion.

Na momento cu ta skirbi un contrato modelo pa traduccionan literario normalmente ta wak e cantidad di palabra di e idioma fuente pa determina e honorario. Pero pa idiomanan cu ta hopi diferente cu Hulandes, esaki no tur ora ta husto; por ehempel pa idiomanan cu ta wordo skirbi den caracternan (Chines, Hapones) of idiomanan aglutina (Hungaro, Turco). Ta comun e ora cu e cantidad di palabra den e contrato ta wordo determina a base di e grandura calcula di e texto traduci na Hulandes y no segun e cantidad di palabra di e texto fuente. Tene cuenta cu esaki na momento cu bo ta skirbi bo contrato. E Asociasion di Escritornan por duna reglanan general pa diferente idioma.

Pa bo peticion tambe ta importnte pa sa cu decisionnan positivo ta wordo basa riba e cantidad di palabra (of: regel/poema) den e contrato pa traduci. No por ahusta of modifica esaki mas despues – dus duna un cantidad definitivo di palabra asina cu bo tin e.

Den bo motivacion bo ta introduci e autor brevemente y bo ta enfoka mas riba e calidad literario di e buki. Bo no mester conta e trama of contenido. Ta importante pa bo duna un bista di e caracteristicanan narativo y di estilo di e texto den relacion cu e temanan di e buki. Pa e comision di conseho ta importante cu e motivacion ta duna un bon bista di e texto fuente y di e imahen cu abo como traductor a forma di e obra. Pa escritornan menos conoci tin mester di mas splicacion cu pa titulonan clasico, pero no asumi cu tur hende conoce e obra. Bo motivacion ta contene un maximo di mil palabra.

 
Si bo ta haci peticion pa un obra no-ficcion, bo por enfoca den bo motivacion riba e caracter literario of interes cultural di e obra (unda ta relevante: pa e lector Hulandes). Caracteristicanan literario ta por ehempel e uzo di recursonan literario (pensa riba figuranan retorica, e escohencia pa un perspectiva), e uzo di recursonan retorico e partcipacion personal of e vision di e autor, e escohencia pa un perspectiva y temática  original, un enfoke of structura inventivo.

Si e traduccion cu bo ta traha riba dje tin un grado di dificultad mas halto cu normal, bo por pidi un toeslag banda di e subsidio basico como traductor experencia. Nos lo pidi bo pa un hustificacion adicional/extra splicacion. Pasobra e por ta dificil pa calcula con dificil e traduccion por ta si net bo ta bay cuminsa, bo tin tempo te seis siman despues di e deadline di e periodo di haci peticion pa pidi y motiva pa un compensacion adicional. Un toeslag ta hisa e suma di beca standard cu 15 of 30 porciento. Importante: bo ta ricibi e toeslag solamente si bo mes aplica p’e.
 
Un motivacion pa un grado di dificultad idealmente ta consisti di dos parti: un fragmento traduci y acompaña pa e fragmento di e texto fuente (hunto 1 a 2 pagina), y tambe un splicacion di e opcionan di e traduccion y e problemanan cu a encontra. Eynan bo por marca e ehempelnan di e dificultadnan cu bo a encontra den e fragmento traduci y pone e comentarionan eynan. Tambe bo por scohe pa no selecta un fragmento traduci, sino menciona punto pa punto e problemanan pa traduci y na cada punto bo ta cita un frase/fragmento cortico  como ehempel (texto fuente + (traduccion (temporal)).
Pa por determina e problemanan di traduccion bo lo por uza e checklist aki:

• E structura di e frase ta exigi hopi inventividad di e traductor?

• E texto ta contene conceptonan clave dificil pa traduci? 

• E texto ta contene hopi diferente genero? 

• E texto ta contene diferencia den estilo grandi of subtil, dialecto of idioma autoinventa?

• Ta hunga hopi cu efectonan di sonido? 

• E texto ta contene realia of ta haci referencianan cu ta exigi extra research of un conversion inventivo?

E carateristicanan di texto aki pa definicion no ta haci un traduccion mas dificil cu normal. E comision di conseho tambe ta wak e frecuencia, complexidad y diversidad di e problemanan di traduccion y ta tene cuenta cu e diferencianan lingüistico y e distancia entre cultura di fuente y di meta na momento cu determina e grado di dificultad.

Como traductor experencia bo por haya un toeslag pa skirbi un prologo of epilogo si e editor ta paga un extra honorario pa esaki. E honorario aki pa e prologo y epilogo mester ta inclui den e contrato di traduccion. Un eventual toeslag ta suma 150% di e honorario di editor. E Fondo di Literatura ta wak e prologo of epilogo como un balor agrega: e ta ofrece traductornan literario e posibilidad pa haci nan trabou, escohencianan y experticio visibel.  

Si bo ta haci selección pa un antologia, traduci un texto (mas bieu) unda ta necesario pa pone comentario (of nota abou riba e pagina), of mester haci un seleccion di diferente texto, e ora ey bo por haci peticion como traductor experencia pa un toeslag pa seleccion/edita.   

E toeslag aki ta destina pa compensa e inversion di tempo extra cu e trabou di seleccion/edita ta exigi di bo y ta hisa e suma di beca standard cu 30%. Si ta trata di trabou di edita, e ora ey nos ta pidi pa indica den ki forma e ta y cuanto tempo extra bo mester (ademas di e trabou di traduccion normal). Anotacionnan tambe ta cay bou di trabounan di edita: si bo ta haci esey, bo ta indica si bo ta bay uza e notanan existente, adaptanan parcialmente of ta abo mes ta añadi esaki.    

Haci un seleccion, despues bo ta splica loke bo a kies y describi con bo ta procede, y tambe bo ta duna un indicacion cuanto tempo extra e ta tuma.  

E Fondo di Literatura ta un organo administrativo independiente y ta resorta bou di E Ley General di Derecho Administrativo. Esaki ta nifica cu peticionarionan por entrega obhecion si nan no ta di acuerdo cu un decision. E periodo den cua un peticionario por entrega obhecion si nan no ta di acuerdo cu un decision ta seis siman despues di e dia riba cua a anuncia e decision. Despues cu e periodo ariba menciona vence no ta existi otro oportunidad mas pa entrega un obhecion por escrito. Pa mas informacion bezwaren.    

Subsidies worden in principe direct uitbetaald, in elk geval binnen acht weken. Je kunt op het aanvraagformulier vermelden of je het subsidiebedrag uitbetaald wilt hebben in termijnen (in twee delen). Dit laatste kan alleen als je het tweede jaar ook nog aan de vertaling werkt.

En general ta paga subsidio mesora, en todo caso dentro di ocho siman. Bo por indica riba e formulario di aplicacion si bo ta desea di ricibi e suma subsidia den termino (den dos parti). E ultimo aki ta solamente si ainda bo ta traha riba e traduccion den e di dos aña.

E otorgamentonan ta wordo publica bou di Toekenningen riba e parti Hulandes di e website aki, den e ‘nieuwsbrief’ digital, y den e relato anual di Fondo di Literatura, wak Publicaties riba e website aki.  

E Fondo di Literatura ta supone cu un traductor por traduci un maximo di 200.000 palabra pa aña. Manera menciona ariba, bo peticion no ta wordo procesa si bo ta traduci 40.000 palabra of mas pa luna.