Acuerdo di Promocion di Lesamento

• Solamente instancianan cultural, organisacionnan cultural y entidadnan legal cu ta activo den Reino y cu ta produci y/of ehecuta actividadnan pa promove lesamento of actividadnan literario educativo por aplica pa subsidio.

• Scolnan, universidadnan y instancianan di gobierno no por pidi subsdio segun e acuerdo aki. • Organisacionan cu a ricibi subsidio di mas di un aña di Fondo Literario, no por pidi subsidio dentro di e acuerdo aki pa 2025 y 2026.

• Un peticionario por pidi un maximo di un subsidio pa cada ronda di subsidio, pero e lo por ta involucra como colaborado den proyectonan di otronan.

Di dos peticion? Si bo a yega di ricibi subsidio segun e acuerdo di Promocion di Lesamento, percura pa finalisa bo proyecto anterior prome cu e desicionnan keda anuncia. Esaki ta mas o menos cuatro pa seis luna despues cu e deadline pa entrega peticion.

Bo actividad ta dirigi mas riba podium? Bay na e acuerdo Projectsubsidies Literaire Programma’s

Projectsubsidies literaire programma’s.

Ta lesa menos y habiblidad di lesamento ta disminui. Esey ta un problema, pasobra lesamento ta amplia bo chens den sociedad, ta yuda bo den bo desaroyo y ta stimula pensamento critico. Pesey e Fondo Literario ta sostene proyectonan cu ta promove lesamento cu tin como meta pa, na un manera duradero, den consulta cu e sector, aporta na promocion di lesamento. Nos ta buscando specialmente proyectonan cu ta forma un complemento riba e opcionnan existente, por ehempel pasobra nan ta uza un concepto innovativo, ta digitalmente innovativo, ta drenta colaboracionnan nobo, ta sirbi un region nobo of un grupo meta cu ta menos conocí.

E proyecto ta dura un di maximo 1 aña

E suma di subsidio cu por pidi ta entre € 25.000 y € 50.000. Mester financia un minimo di 25% di e gastonan total di e proyecto di propio recursonan of di otro manera cu no ta di Fondo Literario.

Excepcionnan riba esaki:
• Pa organisacionnan estableci den Caribe, of pa organisacionnan estableci den e parti Europeo Hulandes pero cu ta haci peticion pa un proyecto cu ta tuma luga den Caribe cu un partner colaborado local, e porcentahe ta 10%.

• Si e peticionario ta un biblioteca, un POI (Institucion Provincial di Apoyo) of institucionnan di apoyo nacional pa bibliotecanan, mester financia un minimo di 50% di e gastonan di e proyecto di propio recurso of di otro manera. Pa bibliotecanan estableci den Caribe e porcentahe ta 10%.

Tin dos ronda di subsidio pa aña:

• 20 di februari 2026 (18:59 ora di Caribe, 23:59 ora Hulandes): pa proyectonan cu ta core entrante juli 2026

• 15 di juni 2026 (17:59 ora di Caribe, 23:59 ora di Hulanda): pa proyectonan cu ta core entrante december 2026

Semper lesa prome cu atencion e acuerdo y e splicacion. Eyden ta menciona entre otro e rekisitonan pa por pidi subsidio, cua documentonan bo mester tin den bo peticion y con ta evalua bo peticion. “Controla bon si tur e documentonan rekeri ta completo y ta cumpli cu e exigencianan. E documentonan obligatorio ta.”

• E plan di proyecto, segun e Format projectplan.

• Un presupuesto conciso y detaya a base di e Basisformat begroting of un formato propio

• Un splicacion di e presupuesto. Akiden ta splica pa cada post di e presupuesto con esaki ta construi.

• Un extracto actualisa di Camara di Comercio.

• E cuentanan anual aproba mas recien. Cu excepcion pa organisacionnan cu duracion di existencia masha cortico y peticionarionan cu ta estabeci den Caribe.

• Den caso cu ta aplicabel: un declaracion di intencion(nan) of un acuerdo di cooperacion(nan) firma pa ambos partido, unda ta describi e cooperacion detayadamente. Tuma nota: den caso di cooperacion cu scolnan esaki semper ta obligatorio.

Bo tin tur e documentonan necesario? E ora ta tempo pa entrega bo peticion.

E peticion mester ta skirbi na Hulandes of Ingles. Peticionarionan pa proyectonan cu ta relaciona cu Idioma di seña Hulandes por entrega un grabacion di video na luga di un plan di proyecto skirbi.

Ta procesa solamente peticionnan cu ta completo. No ta procesa peticionnan cu ainda no ta completo riba e deadline.

Bo tin duda riba cierto cosnan? Repasa e de regeling.

E conseheronan ta evalua e peticionnan riba e siguiente puntonan:

• Vision riba promocion di lesamento

• Balor agrega di e proyecto riba e opcionnan existente

• Calidad y sentido di realidad di e plan di proyecto

• Calidad y sentido di realidad di e presupuesto

Den e splicacion di e acuerdo ta elabora mas riba e criterionan aki.

Bo ta traha riba un peticion pa e acuerdo di subsidio pa Promocion di Lesamento? E ora bo por pidi un consulta di conseho sin compromiso cerca Stichting Lezen, e centro di conocemento pa promocion di lesamento y educacion di literatura.

Durante e combersacion bo por pidi conseho di experto tocante e contenido y e vision di bo plan di proyecto:

• Bo plan ta conecta cu conocemento actual for di investigacion, manera for di ‘de Leesmonitor’?

• Bo idea ta complementa e opcionnan existente riba e tereno ey?

• Kico ta innovativo na bo enfoke, grupo meta of forma di cooperacion?

E combersacionnan aki ta tuma luga entre 10 di mei pa 24 yüni 2026 y ta dura un maximo di 30 minuut. E combersacionnan tin como obhetivo un reflexion di contenido; nan no ta evalua nan y ta comparti e informacion den liñanan grandi cu e Fondo Literario.

Bo por haci peticion pa un combersacion via secretariado: info@lezen.nl.

Tene cuenta: Pa preguntanan practico of encuanto procedura por tuma contacto cu e Fondo Literario mes.