Untwikkelbeurzen literêr oersetters

• Foar oersetters yn it Nederlânsk, Frysk, Papiamintsk en Ingelsk jildt: in ûntwikkelbeurs kinst twa kear yn it jier oanfreegje. Ast al earder in projektsubsydzje krigen hast, jildt dat it beslút op dyn resintste oanfraach posityf wêze moat, en net langer lyn is dan tsien jier. Ast noch gjin earste projektsubsydzje krigen hast (mar wol foldochst oan ien fan de oare yngongsbetingsten) kinst yn totaal seis kear in ûntwikkelbeurs oanfreegje. Dêr moatst minstens trije fan brûke foar oplieding of begelieding.

• Foar oersetters út it Nederlânsk, Frysk of Papiamintsk jildt in maksimum fan ien oanfraach it jier. Ast in twadde (of folgjende) ûntwikkelbeurs krije wolst, moat dyn earste (of eardere) mei in ûntwikkelbeurs subsidiearre plan klear wêze.

By in oanfraach foar in ûntwikkelbeurs besjogge wy nei it hifkjen fan de yngongseasken it ûntwikkelplan. As de dêryn beskreaune ûntwikkeldoelen en de begrutting oertsjûgjend en realistysk binne, wurdt de ûntwikkelbeurs takend. Fregest oan foar in fragmintoersetting/promoasjedossier, dan beoardielje wy ek de literêre kwaliteit fan de foarstelde brontekst, oan de hân fan dyn motivearring.

Wy tinke dêrby oan de publikaasje fan ien of mear (net needsaaklik literêre) oersettingen yn boekfoarm, of oan publikaasje fan ien of mear oersettingen yn in kultureel-literêr tydskrift of in in sammelbondel. Kinst ek tinke oan oersettingen fan strips of non-fiksje, of oan in oersetting fan in teätertekst dy’t opfierd is troch in profesjoneel teäterselskip of bygelyks in libretto foar in opera. Sjoch de taljochting by de regeling foar in krekte omskriuwing.

In oersjoch fan de tydskriften en organisaasjes dy’t in (mearjierrige) subsydzje fan it Letterefûns krije, is hjir te finen.

Nei it yntsjinjen fan in oanfraach krijst in (automatyske) ûntfangstbefêstiging. It bestjoer beslút sa gau mooglik, en op syn lêst acht wiken nei ûntfangst fan in folsleine oanfraach. It beslút wordt fia mail tastjoerd. As it beslút posityf is, wurdt it bedrach dêrnei binnen twa wiken oermakke.

Alle útstellen wurde op folgoarder fan ûntfangst behannele oant it subsydzjeplafond berikt is. Dêrnei wurde de oanfragen om budzjettêre redenen ôfwiisd.

Foar it meitsjen fan in fragmintoersetting kinst kieze út alle sjenres: fiksje, non-fiksje, poëzy, berne- en jongereinliteratuer, toaniel en byldferhalen. Wichtich is benammen dat it in literêre tekst is. Op it oanfraachformulier beskriuwst (koart) de literêre kwaliteit fan it boek dêr’t dyn fragment út komt. Op grûn fan dy motivearring wurdt de titel beoardiele. It leafst sjogge wy útstellen foar oersettingen fan wurk fan net earder (of net resint) yn it Nederlânsk oersetten skriuwers.

Foar it meitsjen fan in promoasjedossier kinst kieze út alle sjenres: fiksje, non-fiksje, poëzy, berne- en jongereinliteratuer en byldferhalen. It dossier bestiet út:  

• In oersette tekst fan fiif boeksiden (ûng. 1500 wurden of 100 regels poëzy)

• In goed ûnderboud lêsferslach mei minstens trije suggestjes foar bûtenlânske útjouwers dêr’t it dossier troch de oersetter hinne stjoerd wurdt.

• Op it oanfraachformulier beskriuwst (koart) de literêre kwaliteit fan it boek en de kânsen op de merk yn de doeltaal. It is wichtich dat der gjin skriuwer keazen wurdt dy’t al in ‘fêste oersetter’ hat. Kinst gjin subsydzje oanfreegje as der fan de skriuwer yn de ôfrûne tsien jier al twa of mear boeken yn itselde sjenre ferskynd binne yn de keazen doeltaal; útsûnderingen binne mooglik mei in goede ûnderbouwing.

• De ûnderfining leart dat útjouwers de measte belangstelling hawwe foar hiel resinte titels of klassikers. In foarbyld fan boeken dy’t it Nederlânsk Letterefûns aktyf promoatet is hjir te finen.

Hast ien jier de tiid om it beskreaune plan út te fieren.

Oersetters dy’t yn Flaanderen wenje, moatte sa folle mooglik gebrûk meitsje fan de regelingen fan Literatuur Vlaanderen.

Ja, dat kin. Fansels moatst dan wol foldwaan oan de betingsten fan de regeling Projektsubsydzjes foar literêre oersettingen.

Foar oersetters út it Nederlânsk, Frysk en Papiamintsk kin de bûtenlânske útjouwer in Translation Grant oanfreegje om dy as oersetter yn ‘e mjitte te kommen yn de oersetkosten.

Wy freegje dy de stipe fan it fûns te neamen. Ast bygelyks in fragmintoersetting makkest en dy nei útjouwers stjoerst, kinst dêr de folgjende sin yn opnimme: Dizze fragmintoersetting is mei ta stân kommen troch in ûntwikkelbeurs fan it Nederlânsk Letterefûns.

Wy ferwachtsje gjin ferslach nei ôfrin. Ast letter in (folgjende) oanfraach dochst yn it ramt fan de regeling Projektsubsydzjes foar literêre oersettingen freegje wy dy wol om ta te ljochtsjen of, en as ja, op hokker wize de ûntwikkelbeurs dy’tst krigen hast, bydrûgen hat oan dyn eigen ûntwikkeling. Dizze taljochting brûke wy allinnich om ús eigen wurk te evaluearjen. Dat weromsjen stiet hielendal los fan de nije oanfraach en de beoardieling dêrfan.