Programanan literario

Por solisitá supsidio pa programanan ku ta presentá literatura na públiko, den vários forma i konteksto. Esakinan ta inkluí entre otro:  

• festivalnan literario; produkshonnan riba podio; lekturanan; programanan sentrá riba un òf vários outor, artistanan spoken word, ilustradó òf traduktor; 

• programanan interdisiplinario ku un papel kla pa literatura;  

• programanan di desaroyo di talento dirigí riba kreadónan profeshonal; 

• inisiativanan ku tin komo meta e promoshon di literatura òf su kreadónan. 

• E aktividatnan òf eventonan literario mester ta kompletá denter di 1,5 aña despues di otorgamentu di e supsidio. E aktividatnan tin un durashon máksimo di 1 aña i ta kuminsá komo mínimo 12 siman despues di a risibí e solisitut.

E meta prinsipal di bo aktividat ta promoshon di lektura? E ora ei, konsultá e areglo Programanan literario.

• Solamente personanan hurídiko sin fin di ganashi i kapasidat hurídiko kompleto ku ta organisá i/òf realisá programanan literario den Reino, por solisitá supsidio.

• Pa kada ròndu di supsidio, un aplikante por entregá un solisitut máksimo. 

• Skolnan, bibliotekanan, editornan, universidatnan i munisipionan no por solisitá supsidio pa medio di e areglo aki. 

• Organisashonnan ku ta risibí un supsidio multianual di Letterenfonds no por solisitá supsidio den e marko di e areglo aki na 2025 i 2026.

• Por solisitá supsidio pa un montante mínimo di € 10.000 i máksimo di € 60.000. 

• Aplikantenan mester finansiá komo mínimo 40% di e gastunan di e programa for di ingresonan propio òf di otro manera. 

• Si e aplikante ta establesé den Karibe, òf si e aplikante ta establesé na Hulanda Oropeo i ta solisitá pa un proyekto ku ta tuma lugá den Karibe ku un partner di kolaborashon lokal, e mester finansiá komo mínimo 10% di e gastunan di e proyekto for di ingresonan propio òf di otro manera.  

• E supsidio ta intenshoná entre otro pa realisá fair pay. Ta trata di fair pay pa e outornan, traduktornan, moderadónan i otro kreadónan kreativo enbolbí, i pa e ZZPnan i empleadonan fiho (remunerá) enbolbí den e organisashon i produkshon. 

Despues di e fecha límite ta kontrolá tur solisitut ku a drenta. Un komishon di evaluashon ta evaluá e solisitutnan ku ta kumpli ku e rekisitonan formal. E komishon ta evaluá e solisitutnan a base di kuater kriterio di evaluashon: 

a. vishon artístiko i kalidat literario di e programa; 

b. balor agregá kompará ku e oferta eksistente;  

c. profeshonalismo i realismo di e plan di proyekto; i   

d. grado di realidat di e presupuesto. 

Tuma bon nota di e format projectplan; e preguntanan i preguntanan parsial ta korespondé na e kriterionan di evaluashon. Den e splikashon di e areglo ta splika e kriterionan aki ku mas detaye.

Tin dos ròndu di supsidio pa aña, esakinan ta sera na e siguiente momentunan: 

• 20 di febrüari 2026 (18:59 ora karibense, 23:59 ora hulandes) 

• 26 di yüni 2026 (17:59 ora karibense, 23:59 ora hulandes) 

E término di tramitashon di bo solisitut ta máksimo 22 siman despues di e fecha di klousura. 

E fondo ta traha ku un formulario di solisitut digital, konsultá e lenk na e parti ariba di e página aki. Bo no por warda e formulario miéntras bo no a finalis'é. Despues di a entregá e solisitut, bo ta haña un konfirmashon via koreo elektróniko. E fondo solamente ta tramitá solisitutnan kompleto. Si bo solisitut ta kompleto, ta entregá esaki na un komishon di konseho pa evaluashon. Lo no prosesá aplikashonnan ku riba e fecha límite no ta kompleto ainda. 

Verifiká ku bo tin tur dokumento nesesario promé ku bo entregá bo solisitut: 

• Plan di proyekto 

• Un presupuesto será i spesifiká 

• Un splikashon di e presupuesto 

• Un ekstrakto aktual di Kámara di Komersio 

• E kuenta anual aprobá mas resien. Aplikantenan ku pa motibu di nan establesimentu resien no tin kuenta anual aprobá ainda i aplikantenan establesé den Karibe ta eksonerá di e rekisito aki. 

Mester redaktá e aplikashon na hulandes òf ingles. Aplikantenan pa proyektonan ku ta relashoná ku idioma di seña hulandes, mag entregá un grabashon di vidio en bes di un plan di proyekto skirbí.