Literatura Karibe

Bo por apliká pa e areglo akí si bo ta establesé den e parti karibense di Reino i:

• bo ta aktivo komo outor*, poeta (di aktuashon), traduktor literario, ilustradó, artista di palabra papiá konosí komo ‘spoken word’, artista di slam òf outor di obra teatral, o sea, dramaturgo

• komo organisashon bo ta organisá aktividat literario, manera un festival òf evento ku ta promové lesamentu

• komo organisashon bo ta publiká obra literario, komo buki òf den un proyekto, manera un obra teatral òf un podcast

• komo organisashon bo ta yuda desaroyá talento ofresiendo guia pa skirbimentu, tradukshon, redakshon (final) òf presentashon riba podio *ku tin un profeshon òf tin e ambishon di tin un profeshon den kreashon òf tradukshon di literatura

E supsidio ta destiná pa diferente inisiativa literario den tur género: novela literario, kuenta, kolekshon di poesia, spoken word, teksto di arte dramátiko, novela gráfiko, no-fikshon literario, literatura pa mucha i hóben. Riba papel, riba esenario, òf den forma digital.

E fondo ta distinguí tres kategoria:

1. Kreashon di obra literario nobo Esaki por enserá un beka di trabou / honorario pa skirbi un teksto literario nobo òf pa gastu di tradukshon di un teksto literario eksistente pa òf for di papiamentu, inkluso pa publikashon multilingual. Bo por apliká tambe pa gastu di redakshon / guia, pa produkshon (diseño, ilustrashon, imprenta), pa alkanse públiko / presentashon i distribushon. I gastu di produkshon di proyekto literario interdisiplinario òf multimedio.

2. Desaroyo di talento Aki ta trata di desaroyo profeshonal di e kreadó literario. Por ehèmpel, pa organisashon di òf partisipashon na tayer òf kurso riba tereno di skirbimentu kreativo i tayer di tradukshon literario. Esaki ta inkluí tambe guia, mentorado, coaching, enseñansa i trayekto pa train-etrainer. Ademas, por apliká pa supsidio pa un plan di investigashon den kua abo komo kreadó literario ta eksplorá e posibilidatnan i faktibilidat di bo ambishon literario. Por ehèmpel: desaroyá un idea pa un buki for di un perspektiva di kontenido i artístiko, i tambe for di un perspektiva komersial: ken lo publik'é, ken lo hasi e redakshon, i kiko ta e gastunan di publikashon. Finalmente, gastu di residensia òf gastu di transporte por ta un parti modesto di un petishon pa supsidio.

3. Aktividat literario E supsidio ta pa organisashon ku ta hasi aktividat públiko riba tereno di literatura. Por ehèmpel, organisashon di festival, kompetensia di skirbimentu, programa literario online i offline, evento di literatura den bario i evento di mikrófono habrí, o sea 'open-mic'. Esaki por inkluí aktividat pa promoshon di lesamentu ku ta tuma lugá tantu paden komo pafó di klas, pa grandi i chikí, manera den biblioteka. Un aplikashon por bai tokante un kategoria, pero tambe tokante diferente kategoria pareu.

Kreadó literario individual por pidi un supsidio máksimo di € 25.000, organisashon kultural por pidi un supsidio máksimo di € 50.000. A base di kiko ta evaluá un aplikashon? E konseheronan ta evaluá e aplikashonnan a base di e siguiente puntonan:

• Plan di proyekto

• Balor agregá di e proyekto pa e islanan

• Deskripshon di e aplikante

• Kalidat di redakshon/selekshon di obra/guia/kolaborashon

• E grupo di enfoke i aserkamentu di públiko

• Presupuesto (a base di e malchi di Letterenfonds. Esaki lo ta disponibel mas pronto posibel) Por haña un deskripshon di tur e kriterionan den e areglo Literatura Karibe bou di downloads.

E fondo ta traha ku un formulario di petishon online. Tene kuenta ku bo no por warda e formulario miéntras ku e no ta yená kompletamente. Bo ta risibí un konfirmashon via e-mail. E fondo ta trata solamente aplikashon ku ta kompletamente yená. Si bo aplikashon ta kompleto, e ta pasa pa e konsehero(nan).

Tep: Papia ku un empleado tokante bo petishon pa bo tin sigur ku e ta kompletu. Pasobra un petishon inkompleto ta kousa tardansa. Tuma kontakto ku nos libremente! Bo por traha un sita via nos orario di konsulta digital, òf manda un e-mail òf un mensahe di WhatsApp pa e personanan di kontakto indiká den e parti abou di e página.

Kontrolá si bo tin tur kos promé ku bo entregá bo aplikashon: • Plan di proyekto (segun checklist plan di proyekto)

• Presupuesto (a base di Malchi)

• Pa kreadó: ehèmpel di obra anterior (PDF)

• Pa organisashon: inskripshon na Kámara di Komèrsio

• Di dos petishon? Si bo a yega di risibí supsidio den Literatura Karibe, sòru pa bo proyekto anterior ta finalisá i añadí un rapòrt di esei na e aplikashon

Tene kuenta: entrega di un aplikashon inkompleto lo okashoná retraso