Literatura di Caribe

Bo por entrega un peticion pa e acuerdo aki si bo ta estableci den e parti Caribense di Reino y: • bo ta activo como escritor*, (performance)poeta, traductor literario, ilustrado, artista di spoken word, artista slam of dramaturgo

• como organisacion bo ta organisa actividadnan literario, manera un festival of eventonan cu ta promove lesamento

• como organisacion bo ta publica obra literario, den formato di buki, of den un proyecto, manera un obra di teatro of podcast

• como organisacion bo ta yuda talentonan literario desaroya nan mes door di ofrece guia den skirbimento, traduccion, redaccion(final) of presentacionnan riba escenario

*kende ta envolvi profesionalmente of tin e ambicion pa ta envolvi profesionalmente cu creacion of traduccion di literatura

E subsidio aki ta destina pa un diversidad di iniciativa riba tereno di literatura den tur genero: novela literario, storianan, coleccion di poesia, spoken word, obra teatral, graphic novels, literatura no-ficcion, literatura infantil y hubenil. Riba papel, escenario of den forma digital.

E fondo ta distingui tres categoria:

1. E creacion di obra literario nobo Esaki por trata di un subsidio pa beca di trabou/honorario pa skirbi un texto literario nobo. Of pa e gastonan di traduccion di un texto literario existente na of for di Papiamento, tambe den caso cu ta trata di un edicion multilingual. Ademas por haci peticion pa e gastonan di redaccion/guia, produccion (diseño, ilustracion, imprenta), haya audiencia/presentacion na publico y distribucion. Y e gastonan pa produccion di proyectonan literario interdisciplinario of di multimedia.

2. Desaroyo di talento Aki ta trata di e desaroyo profesional di e creadornan literario. Por ehempel, pa e setup di of participacion na tayernan of cursonan riba tereno di creative writing y tayernan di traduccion literario. Esaki tambe ta inclui programanan di guia individual, mentorship, coaching, educacion y trajectonan di train-de trainer. Ademas bo por pidi un subsidio pa un plan di investigacion unda, como creador literario, bo ta investiga e posibilidadnan y factibilidad di bo ambicion literario. Por ehempel: desaroya un idea pa un buki riba tanto un nivel di contenido y artistico como riba nivel comercial: ken ta publica esaki, ken ta haci redaccion, kico ta e gastonan di publicacion? Finalmente, e gastonan di hospedahe of gastonan di biahe tambe por ta un parti chikito di un peticion pa subsidio.

3. Actividadnan Literario E subsidio ta pa organisacionnan cu ta realisa actividadnan publico riba tereno di literatura. Por ehempel, organisa festivalnan, competencia di skirbimento, programanan literario online y offline, literatura den bario y eventonan di open-mic. Esaki por inclui tambe actividadnan di promocion di lesamento cu ta tuma luga tanto paden como pafo di klas di scol, pa chikito y grandi, manera den biblioteca. Un peticion por trata un categoria, pero tambe varios categoria na mesun momento.

Creadornan literario individual por aplica pa un maximo di €25.000 na subsidio, organisacionnan cultural un maximo di €50.000.

E conseheronan ta evalua e peticionnan riba e siguiente puntonan:

• Plan di proyecto • Balor agrega di proyecto pa e islanan

• Profiel di e peticionario • Calidad di e redaccion/curacion/guia/colaboracion

• E acercamento di grupo meta y publico

• Presupuesto (basa riba e formato di e Fondo Literario, wak downloads.)

Un descripcion di tur criterio di evaluacion den e Acuerdo Literatura di Caribe (por haya akibou)

E fondo ta traha cu un formulario di peticion online. Bo no por save e formulario durante cu ta haci peticion. Bo lo ricibi un confirmacion via email cu a ricibie. E fondo ta procesa peticionnan cu ta completo so. Si bo peticion ta completo, lo presenta esaki na e consehero(nan).

Ta evalua e peticionnan – completo - riba secuencia cu nan a drenta, te cu e fecha final di e ronda of te ora yega e limite di subsidio. Despues di esaki ta nenga peticionnan.

Tip: Discuti bo peticion cu un empleado pa sigura cu e ta completo. Un peticion cu no ta entrega completo ta causa retraso. Bo por tuma contacto libremente cu nos. Bo por plania un cita via nos orarionan di consulta digital, of manda un email of mensahe di whatsapp na e personanan di contacto menciona akibou den e pagina. Wak tambe nos video di splicacion: Con bo ta aplica na Literatura di Caribe?

Controla si bo tin tur cos prome cu bo entrega bo peticion: • Plan di proyecto (segun e Checklist plan di proyecto)

• Presupuesto (a base di e Formato)

• Pa creadornan: ehempel(nan) di obranan anterior (PDF)

• Pa organisacionnan: inscripcion na Camara di Comercio

• Di dos peticion? Si bo a yega di ricibí subsidio segun e acuerdo di Literatura Caribe, percura e ora ey pa bo proyecto anterior ta finalisa y inclui un relato na e peticion aki.

Atencion: si entrega un peticion incompleto e ta causa tardansa.