Programanan literario

Por solicita subsidio pa programanan cu ta presenta literatura na publico, den varios forma y contexto. Esakinan ta inclui entre otro:  

• festivalnan literario; produccionnan riba podio; lecturanan; programanan centra riba un of varios autor, artistanan spoken word, ilustrador of traductor; 

• programanan interdisciplinario cu un papel cla pa literatura;  

• programanan di desaroyo di talento dirigi riba creadornan profesional; 

• iniciativanan cu tin como meta e promocion di literatura of su creadornan. 

• E actividadnan of eventonan literario mester ta completa dentro di 1,5 aña despues di otorgamento di e subsidio. E actividadnan tin un duracion maximo di 1 aña y ta cuminsa como minimo 12 siman despues di a ricibi e solicitud.

E meta principal di bo actividad ta promocion di lectura? E ora ey, consulta e areglo acuerdo di Promocion di Lesamento.

• Solamente personanan huridico sin fin di lucro y capacidad huridico completo cu ta organisa y/of realisa programanan literario den Reino, por solicita subsidio.

• Pa cada ronda di subsidio, un aplicante por entrega un solicitud maximo. 

• Schoolnan, bibliotecanan, editornan, universidadnan y municipionan no por solicita subsidio pa medio di e areglo aki. 

• Organisacionnan cu ta ricibi un subsidio multianual di Letterenfonds no por solicita subsidio den e marco di e areglo aki na 2025 y 2026.

• Por solicita subsidio pa un montante minimo di € 10.000 y maximo di € 60.000. 

• Aplicantenan mester financia como minimo 40% di e gastonan di e programa for di ingresonan propio of di otro manera. 

• Si e aplicante ta establece den Caribe, of si e aplicante ta establece na Hulanda Europeo y ta solicita pa un proyecto cu ta tuma luga den Caribe cu un partner di colaboracion local, e mester financia como minimo 10% di e gastonan di e proyecto for di ingresonan propio of di otro manera.  

• E subsidio ta intenciona entre otro pa realisa fair pay. Ta trata di fair pay pa e autornan, traductornan, moderadornan y otro creadornan creativo envolvi, y pa e ZZPnan y empleadonan fiho (remunera) envolvi den e organisacion y produccion. 

Despues di e fecha limite ta controla tur solicitud cu a drenta. Un comision di evaluacion ta evalua e solicitudnan cu ta cumpli cu e rekisitonan formal. E comision ta evalua e solicitudnan a base di cuater criterio di evaluacion: 

a. vision artistico y calidad literario di e programa; 

b. balor agrega compara cu e oferta existente;  

c. profesionalismo y realismo di e plan di proyecto; i   

d. grado di realidad di e presupuesto. 

Tuma bon nota di e format projectplan; e preguntanan y preguntanan parcial ta coresponde na e criterionan di evaluacion. Den e splicacion di e areglo ta splica e criterionan aki cu mas detaye.

Tin dos ronda di subsidio pa aña, esakinan ta cera na e siguiente momentonan: 

• 20 di februari 2026 (18:59 ora Caribense, 23:59 ora Hulandes) 

• 26 di juni 2026 (17:59 ora Caribense, 23:59 ora Hulandes) 

E termino di tramitacion di bo solicitud ta maximo 22 siman despues di e fecha di clausura. 

E fondo ta traha cu un formulario di solicitud digital, consulta e link na e parti ariba di e pagina aki. Bo no por warda e formulario mientras bo no a finalis'e. Despues di a entrega e solicitud, bo ta haya un confirmacion via coreo electronico. E fondo solamente ta tramita solicitudnan completo. Si bo solicitud ta completo, ta entrega esaki na un comision di conseho pa evaluacion. Lo no procesa aplicacionnan cu riba e fecha limite no ta completo ainda. 

Verifica cu bo tin tur documento necesario prome cu bo entrega bo solicitud: 

• Plan di proyecto 

• Un presupuesto cera y specifica 

• Un splicacion di e presupuesto 

• Un extracto actual di Camara di Comercio 

• E cuenta anual aproba mas recien. Aplicantenan cu pa motibo di nan establecimento recien no tin cuenta anual aproba ainda y aplicantenan establece den Caribe ta exonera di e rekisito aki. 

Mester redacta e aplicacion na Hulandes of Ingles. Aplicantenan pa proyectonan cu ta relaciona cu idioma di seña Hulandes, mag entrega un grabacion di video en bes di un plan di proyecto scirbi.