Becanan di desaroyo pa traductornan literario

• Pa traductornan cu ta traduci na Hulandes, Fries, Papiamentu, Papiamento of Ingles ta conta: bo por solicita un beca di desaroyo dos biaha pa aña. Si bo a ricibi un subsidio di proyecto anteriormente, ta conta cu e decision tocante di bo solicitud mas recien mester ta positivo, y no mas cu dies aña pasa. Si ainda bo no a ricibi bo prome subsidio di proyecto (pero bo ta cumpli cu un di e sobra rekisitonan di entrada si) bo por solicita un beca di desaroyo seis biaha na total. Di esakinan, bo mester emplea por lo menos tres pa educacion of supervision.

• Traductornan cu ta traduci desde Hulandes, Fries, Papiamentu of Papiamento por solicita maximo un biaha pa aña. Si bo kier ricibi un di dos (of siguiente) beca di desaroyo, esun prome (of anterior) mester keda conclui cu un plan subsidia cu un beca di desaroyo.

Ora di ricibi un solicitud pa beca di desaroyo, despues di a comproba si ta cumpli cu e rekisitonan di entrada, nos ta evalua e plan di desaroyo. Si e metanan di desaroyo describi y e presupuesto ta convincente y realistico, ta otorga e beca di desaroyo. Si bo haci e solicitud pa un traduccion di fragmento/dossier di promocion, e ora ey nos ta evalua e calidad literario di e texto fuente propone tambe, esaki a base di bo motivacion.

Esaki ta referi na e publicacion di un of varios traduccion (no necesariamente literario) den forma di buki, of na publicacion di un of varios traduccion den un revista cultural-literario of den un compilacion. Tambe por pensa riba traduccionnan di comic of obranan no ficcion, of riba e traduccion di un texto di teatro interpreta pa un compania di teatro profesional, of por ehemplo un libretto pa un opera. Consulta e splicacion tocante di e areglo pa un descripcion exacto.

Aki bo ta haya un resumen di e revistanan y organisacionnan cu ta ricibi un subsidio (multianual) di Nederlands Letterenfonds.

Despues di a entrega un solicitud, bo ta haya un confirmacion di recibo (automatico). Directiva ta dicidi mas pronto posibel, y pa mas tarda ocho siman despues di a ricibi un solicitud completo. Bo ta haya e decision via coreo electronico. Si e decision ta positivo, dentro di dos siman despues ta transferi e placa.

Ta tramita tur proposicion segun orden cu nan a drenta te ora cu yega na e plafond di subsidio. Despues, ta rechasa tur solicitud pa motibo presupuestario.

Pa haci un traduccion di fragmento, bo por eligi for di tur genero; ficcion, no ficcion, poesia, literatura pa mucha y hoben, teatro y novela grafico. E criterio di mas importante ta cu ta trata di un texto literario. Riba e formulario di solicitud bo ta duna un descripcion (breve) di e calidad literario di e buki cu ta contene bo fragmento. A base di e motivacion aki, ta evalua e titulo. Nos ta prefera proposicionnan pa traduccionnan di obranan di autornan cu no (of no recientemente) a traduci na Hulandes.

Pa traha un dossier di promocion, bo por eligi for di tur genero; ficcion, no ficcion, poesia, literatura pa mucha y hoben, y novela grafico. E dossier ta consisti di:  

• un texto traduci di cinco pagina di buki (aproximadamente 1500 palabra of 100 regla di poesia)

• un informe di lectura bon substancia, cu por lo menos tres sugerencia di editornan estranhero na ken e traductor lo manda e dossier.

• Riba e formulario di solicitud bo ta duna un descripcion (breve) di e calidad literario di e buki y e oportunidadnan di mercado den e idioma meta. Ta importante pa no eligi un autor cu ya caba tin un 'traductor fiho'. Bo no por pidi subsidio si den e ultimo dies aña, ya caba a publica dos of mas buki di e autor den e mesun genero den e idioma meta eligi. Excepcionnan ta posibel den caso di bon substanciacion.

• Experencia ta siña nos cu editornan tin mas interes pa titulonan sumamente recien, of pa clasiconan. Aki bo ta haya un ehemplo di bukinan cu Nederlands Letterenfonds ta promove activamente.

Bo tin un aña pa completa e plan describi.

Ta spera di traductornan cu ta biba na Flandes cu nan ta haci uzo mas tanto posibel di e areglonan di Literatuur Vlaanderen.

Ta spera di traductornan cu ta biba na Flandes cu nan ta haci uzo mas tanto posibel di e areglonan di Literatuur Vlaanderen.

Si mi haya un editor cu kier publica mi traduccion di fragmento, mi por solicita un subsidio di proyecto pa e traduccion di henter e buki?
Si, bo por. Den e caso ey, obviamente bo mester cumpli cu e condicionnan di e areglo Projectsubsidies voor literaire vertalingen.

Pa traductornan cu ta traduci desde Hulandes, Fries, Papiamentu of Papiamento, e editor estranhero por pidi un Translation Grant pa yuda abo como traductor cu e gastonan di traduccion.

Nos ta pidi bo pa menciona e apoyo di e fondo. Por ehemplo, si bo haci un traduccion di fragmento y bo ta manda esaki na editornan, bo por inclui e siguiente frase: A realisa e traduccion di fragmento cu apoyo di un beca di desaroyo di Nederlands Letterenfonds.

Nos no ta exigi un informe despues cu bo a termina. Si posteriormente bo haci un (siguiente) solicitud den e marco di e areglo Projectsubsidies voor literaire vertalingen (Subsidionan di proyecto pa traduccionnan literario), nos si ta pidi bo pa splica si – y si ta asina, di ki manera – e beca di desaroyo cu bo a ricibi a contribui na bo desaroyo propio. Nos ta uza e splicacion aki solamente pa evalua nos mes trabao. E refleccion aki no tin ningun influencia riba e solicitud nobo y e evaluacion di esaki.