Literatuur Caribe

Let op: het subsidieplafond van deze regeling is bereikt. Het is daarom niet meer mogelijk om een aanvraag in te dienen. De aanvragen die reeds zijn ingediend worden op volgorde van binnenkomst behandeld.

Oanfragen foar dizze regeling kinne yntsjinne wurde ast fêstige bist yn it Karibysk diel fan it Keninkryk en ast:  

• Aktyf bist as skriuwer*, (performance)dichter, literêr oersetter, yllustrator, spoken word artyst, slam artyst of toanielskriuwer; 

• As organisaasje literêre aktiviteiten organisearrest, sa as in festival of lêsbefoarderjende eveneminten; 

• As organisaasje literêr werk útbringst,yn boekfoarm, of yn in projekt, sa as in toanielstik of podkast; 

• As organisaasje literêre talinten helpst by de ûntwikkeling, troch begelieding te jaan by it skriuwen, oersetten, (ein)redaksje of poadiumpresintaasjes. 

* dy’t him/har beropsmjittich dwaande hâld of de ambysje hat him/har beropsmittich dwaande te hâlden mei it kreëarjen of oersetten fan literatuer 

De subsydzje is bedoeld foar útienrinnende ynisjativen op it mêd fan literatuer yn alle sjenres: literêre romans, ferhalen, dichtbondels, spoken word, toanielteksten, graphic novels, literêre non-fiksje, berne- en jongereinliteratuer. Op papier, op it poadium of yn digitale foarm.  
 
It fûns makket hjirby ûnderskied tusken trije kategoryen: 

1. De kreaasje fan nij literêr wurk 
Hjirby kin it gean om in wurkbeurs/honorarium foar it skriuwen fan in nije literêre tekst. Of foar de kosten foar it oersetten fan in besteande literêre tekst nei of út it Papiamintsk, ek as it om in meartalige útjefte giet. Fierder kin in oanfraach dien wurde foar de kosten fan redaksje/begelieding, foar de produksje (ûntwerp, yllustraasje, printwurk), publyksberik/presintaasje en distribúsje. En de produksjekosten fan ynterdissiplinêre of multimediale literêre projekten.  

2. Talintûntwikkeling  
Hjirby giet it om de profesjonele ûntwikkeling fan literêre makkers. Bygelyks foar it opsetten fan of dielnimmen oan workshops of kursussen op it mêd fan creative writing en literêre oersetworkshops. Yndividuele begelieding, mentoraat, coaching, oplieding en train-de-trainertrajekten falle hjir ek ûnder. Fierder kin der subsydzje oanfrege wurde foar in ûndersyksplan om as literêre makker de mooglikheden en helberens fan dyn literêre ambysje te ûndersykjen. Bygelyks: it útwurkjen fan in idee foar in boek likegoed op ynhâldlik en artistyk nivo as op saaklik nivo: wa sil it útjaan, wa docht de redaksje, wat binne de publikaasjekosten. As lêste kinne de kosten foar in residinsje of reiskosten in beskieden ûnderdiel weze fan in subsydzjeoanfraach.  
 
3. Literêre aktiviteiten  
De subsydzje is foar organisaasjes dy’t publyksaktiviteiten útfiere op it mêd fan literatuer. Bygelyks it organisearjen fan festivals, skriuwwedstriden, online en offline literêre programma’s, literatuer yn de wyk en iepen-mic-eveneminten. Hjirûnder kinne ek lêsbefoarderingsaktiviteiten falle dy’t sawol binnen as bûten it skoallokaal plak hawwe, foar jong én âld, bygelyks yn biblioteken.  

In oanfraach kin oer ien kategory gean, mar ek oer meardere kategoryen tagelyk.  

Yndividuele literêre makkers kinne maksimaal € 25.000 subsydzje oanfreegje, kulturele organisaasjes maksimaal € 50.000.

De adviseurs beoardielje de oanfraach op grûn fan de folgjende punten: 

• Projektplan

• Tafoege wearde fan it projekt foar de eilannen 

• Profyl fan de oanfreger 

• Kwaliteit redaksje/kuraasje/begelieding/gearwurking 

• De doelgroep en wize om it publyk te berikken 

• Begrutting (op grûn fan it format fan it Letterenfûns, sjoch downloads.)  

In beskriuwing fan alle beoardielingskritearia fynst yn de regeling Literatuur Caribe (hjirûnder te finen).

It fûns wurket mei in online oanfraachformulier. It formulier kin tuskentiids net opslein wurde. Krijst in befêstiging fan ûntfangst yn de mail. It fûns nimt allinnich komplete oanfragen yn behanneling. As de oanfraach kompleet is, wurdt er oan de adviseur(s) foarlein.  

De – folsleine – oanfragen wurde beoardiele yn folchoarder fan ûntfangst, oant it subsydzjeplafond berikt is. De neifolgjende oanfragen wurde ôfwiisd.

Tip: Besprek dyn oanfraach mei in meiwurker om der wis fan te wêzen dat alles folslein is. In ûnfolslein yntsjinne oanfraach soarget foar fertraging. Nim gerêst kontakt mei ús op. Kinst in mail of whatsapp-berjocht stjoere nei de kontaktpersoanen dy’t ûnder oan de side steane. Sjoch ek de úlisfideo: Hoe dochtst in oanfraach by Literatuur Caribe?

Gean nei oftst alle dokuminten hast foardatst dyn oanfraach yntsjinnest: 

• Projektplan (neffens de Checklist projektplan) 

• Begrutting (op grûn fan it Format) 

• Foar makkers: foarbyld(en) earder wurk (PDF) 

• Foar organisaasjes: KvK-ynskriuwing  

• Twadde oanfraach? Ast al earder subsydzje krigen hast fan Literatuur Caribe, soargje der dan foar dat dyn foarige projekt ôf is en foegje in ferslach ta oan dizze oanfraach. 

Tink derom: it yntsjinjen fan in ûnfolsleine oanfraach soarget foar fertraging.