Supsidionan di Proyekto pa Kreadónan di Buki

Pa kreashon di obra literario nobo den forma di buki. Tur género literario (prosa, no fikshon, poesia, literatura infantil i hubenil, graphic novels i otro tipo di novelanan gráfiko) ta bini na remarke. E obranan aki mester wòrdu publiká pa un editor literario regular. 

Tur kreadó literario, irespekto di e fase di nan karera òf e género ku nan ta skirbi òf ilustrá, por pidi supsidio pa un buki. E areglo ta habrí entre otro pa debutantenan, outornan di prosa òf poesia, biografianan, ilustradónan di buki di prenchi i graphic novel, i outornan di parti karibense di Reino, tambe na papiamentu i papiamento. Por konsultá e kondishonnan spesífiko pa kada grupo di aplikante aki bou di 'Kondishonnan pa solisitutnan'. 

No ta posibel pa risibí supsidio pa vários proyekto pareu. Esaki ta nifiká ku bo no por bolbe pidi supsidio te ora bo buki supsidiá anteriormente a wòrdu publiká.

E montante di e supsidio ta dependé di e invershon di tempu antisipá den e proyekto for di e momentu ku ta pidi supsidio.  

• Pa proyektonan ku ta dura ménos ku dos aña entre e momentu ku ta pidi supsidio i e momentu di publikashon, bo por solisitá € 15.000.

• Pa proyektonan ku ta dura dos aña òf mas: € 30.000.  

• Si bo entregá un solisitut pa un graphic novel ku tantu un outor komo un kreadó di imágen ta traha riba dje, diferente montantenan ta aplikabel: € 20.000 pa proyektonan te dos aña i € 40.000 pa proyektonan for di dos aña.  Ta distribuí e montantenan entre e kreadónan.

• Ta posibel pa apliká pa e montante di supsidio mas abou pa proyektonan mas largu. 

Outornan den tur género i den tur fase di nan karera por entregá nan solisitut den e tres ròndu di solisitut general. Banda di esaki, tur aña tin un momentu di solisitut pa outornan i kreadónan di imágen di graphic novels i pa kreadónan di imágen di obranan ilustrá. Outornan di obranan ilustrá ta entregá nan solisitut den un di e tres ròndu general.

Na 2026, e lokètnan ta habrí riba:

• 2 di febrüari – 2 di mart (pa kreadónan di imágen) - será.

• 16 di mart – 15 di aprel (pa outornan)

• 1 di yüli – 1 di sèptèmber (pa outornan)

Un solisitut kompleto ta konsistí di e siguiente komponentenan. Verifiká ku bo tin tur dokumento nesesario promé ku bo entregá bo solisitut:  

1. un plan di proyekto elaborá di akuerdo ku e modelo disponibel riba e wèpsait di Letterenfonds; pa outornan òf pa kreadónan di imágen

2. un kopia di e akuerdo di publikashon ku e editor, òf un deklarashon di intenshon di e editor ku ta demostrá ku esaki lo sera un akuerdo di publikashon ku e aplikante pa e publikashon literario ku lo skirbi. Si e publikashon literario ku lo skirbi ta un debut, mester agregá un akuerdo di publikashon na e solisitut;  

3. un kopia di e akuerdo di publikashon ku e editor pa kada publikashon literario ku bo ta entregá pa evaluashon (e anekso aki no ta konta pa debutantenan)

4. e último aanslag definitivo imponé di impuesto riba entrada (pues no e aanslag provishonal ni e deklarashon di impuesto); i  

5. obra(nan) literario ku durante e tramitashon di bo solisitut lo entregá na nos asesornan i lektornan eksterno pa evaluashon. Ki obra literario esaki ta, ta dependé di e grupo den kua bo ta entregá bo solisitut, i di e echo ku bo a entregá un solisitut serka nos anteriormente, òf no. Nos ta preferá risibí publikashonnan di buki den forma físiko (sinku ehemplar) na nos adrès físiko.

Ora entregá un solisitut pa un debut:  

5. Un fragmento di e buki pa kua bo ta entregá e solisitut. E tamaño ta dependé di e género di e buki ku lo skirbi, por konsultá e informashon aki den e areglo (artíkulo 6, insiso seis, sub c). 

6. Otro obra(nan) literario pa evaluá, segun eskoho di e aplikante. E tamaño ta dependé di e género di e buki ku lo skirbi, por konsultá e informashon aki den e areglo (artíkulo 6, insiso seis, sub d). 

Ora entregá un solisitut pa un di dos buki: 

5. Bo debut literario (sinku ehemplar)

Si bo a entregá un solisitut anteriormente: 

5. Bo publikashon literario mas resien (sinku ehemplar) ku ainda no a ser evaluá den e marko di e areglo aki òf su predesesornan legal). 

Si bo no a entregá solisitut anteriormente, pero bo tin komo mínimo dos publikashon kaba: 

5. Bo publikashon literario mas resien (sinku ehemplar)

6. Un di dos publikashon literario di bo eskoho (sinku ehemplar).

Paga tinu: mester entregá tur buki na Letterenfonds na tempu, pa mas tardá riba e fecha límite. Por fabor, manda nan na nos adrès físiko Nieuwe Prinsengracht 89, 1091 BX Amsterdam, i warda e komprobante di envio. Lo no debolbé bukinan entregá, a ménos ku no por tramitá e solisitut.

Bo a rekopilá tur dokumento? E ora ei, entregá bo solisitut pa medio di 'Inisiá bo solisitut' na e parti ariba di e página aki.  

• Títulonan pa kua e outor mes ta kontribuí na e gastunan di produkshon, promoshon òf distribushon, òf ku e outor ta kumpra sierto kantidat di ehemplar kontra pago, no ta bini na remarke pa supsidio a base di e areglo aki.

• Den e añanan ku e proyekto supsidiá ta wòrdu skirbí, e entrada kolektivo bruto imponibel no mag ta mas haltu ku € 52.500 inkluyendo e supsidio otorgá pa Letterenfonds. Ta posibel pa pidi pago di e montante di supsidio den kuota, pa e durashon di e proyekto i denter di un máksimo di tres aña. E último aanslag definitivo imponé di impuesto riba entrada di Servisio di Impuesto (pues no e aanslag preliminar ni e deklarashon di impuesto) ta sirbi komo prueba di e entrada kolektivo imponibel. Si e proyekto di skirbimentu tin un durashon di mas ku un aña, den un di e añanan ei, e entrada kolektivo imponibel por ta mas haltu ku € 52.500, kon tal ku e entrada promedio den e añanan den kua e proyekto ta tuma lugá (komo máksimo tres aña) no ta mas haltu ku € 52.500 pa aña. Si tin ekseso di e montantenan aki, mester notifiká esaki mas pronto posibel, agregando e kopianan di e aanslagnan aki. Pa aplikantenan pa biografianan literario no tin límite di entrada.