Supsidionan di kuater aña pa organisashonnan literario edukativo
Paga tinu: e areglo aki ta bolbe habri na 2028. | Nederlands Letterenfonds ke promoshoná un oferta literario edukativo riba vários nivel di enseñansa, tantu nashonal komo regional, i tantu paden komo pafó di e edifisionan eskolar, pa asina oumentá e plaser di lesamentu entre hóbennan. Atraves di e areglo aki, organisashonnan literario edukativo por solisitá un supsidio di organisashon multianual. Pa 2025-2028, a otorgá e supsidionan di kuater aña ya kaba.
Pa kiko?
Fortalesementu di e organisashon propio i realisashon di aktividatnan literario edukativo.
Ken ta bini na remarke?
Organisashon ku interes nashonal ku pa por lo ménos tres aña kaba ta dirigí prinsipalmente riba e organisashon di aktividatnan edukativo literario eskolar i/òf ekstraeskolar pa hóbennan. E organisashon mester a risibí supsidio di Letterenfonds anteriormente. Mester tin eksplotashon di mínimo € 100.000 pa aña pa e periodo 2025-2028.
Kuantu?
Nos ta usa dos kategoria di supsidio ku ta dependé di e tamaño i estado finansiero di e organisashon:
Kategoria A
Pa organisashonnan ku ingresonan total ku ta superá € 1.000.000 segun e kuenta anual di 2022, tin un montante di supsidio disponibel di máksimo € 380.000.
Kategoria B
Pa organisashonnan ku ingresonan total di máksimo € 800.000 segun e kuenta anual di 2022, tin un montante di supsidio disponibel di entre € 70.000 i € 180.000.
Na momentu di determiná e montante di e supsidio, ta tuma e nivelnan di salario i preis di 2023 komo punto di salida, i ta tene kuenta ku e montante di supsidio den e periodo anterior di 2021-2024.
Kondishonnan pa registrashon
Pa e prosedura di solisitut i e forma di e solisitut – manera e kantidat di palabra, e kantidat di página i e manera ku mester elaborá e presupuesto – lesa e dokumento di solisitut. Konsultá downloads.
Aneksonan rekerí: Dokumento di solisitut, plan multianual 2025-2028, presupuesto i resúmen di aktividatnan kuantitativo 2025-2028, presupuesto mas detayá 2025-2028, komposishon di e organisashon, kuentanan anual i relatonan anual 2021 i 2022, ekstrakto resien di Kámara di Komersio i Statutonan.
Yena e kuestionario tokante di sostenibilidat; e no ta forma parti di e evaluashon.
Ta ferwagt ku durante e periodo di supsidio bo ta keda traha riba e implementashon di e Code Diversiteit en Inclusie (Kódigo Diversidat i Inklushon), e Fair Practice Code i e Governance Code Cultuur (Kódigo Governance di Kultura) den e organisashon. Bo ta splika ki pasonan lo bo tuma pa logra e metanan pa 2025-2028 riba e tres tereno ei.
Banda di e uso di e Kódigonan, tambe ta tene kuenta ku un distribushon uniforme den e diferente regionnan. Den e marko aki, organisashonnan ku ta kontribuí na e ampliashon di e oferta literal pafó di Randstad ta haña preferensia.
