Kreadónan pafó di e buki

Un partner di presentashon ta un organisashon kultural òf literario ku ta presentá bo obra nobo na un públiko, i ku ta apoyá bo durante e proseso kreativo.

Na òf despues di 2021, e partner di presentashon a risibí un supsidio multianual òf insidental di Letterenfonds, òf e por demostrá ku e por presentá bo obra profeshonalmente i por realisá sufisiente alkanse di públiko. Editorialnan i produktornan profeshonal por ta partner di presentashon tambe.

Den e resúmen Ondersteunde literaire tijdschriften en organisaties bo por konsultá si e organisashon a risibí supsidio di Letterenfonds.

E partner di presentashon ta splika den un karta di motivashon kompañante dikon presisamente abo ta risibí apoyo, i kon lo presentá bo produkto final na públiko. Banda di esaki, e partner di presentashon ta splika di ki manera e lo apoyá bo durante bo proseso, i di ki manera ta garantisá alkanse di públiko.

Komo kreadó, pa presentashonnan i aktuashonnan, bo mester haña un kompensashon ku por lo ménos ta konforme e tarifa básiko di Schrijverscentrale. Tambe si ta trata di otro tipo di 'produkto final', opviamente bo mester haña un honorario profeshonal.

Bo por entregá un solisitut pa kreashonnan literario na hulandes, fries, papiamentu, papiamento òf idioma di seña hulandes. Ta entregá e formulario di solisitut i e splikashon na hulandes.

Den e presupuesto, bo ta inkluí tur gastu i entrada mará na e proyekto.

Den todo kaso, pensa riba:

• bo mes honorario (komo mínimo 50% di e montante di supsidio solisitá);

• e honorario ku bo ta risibí di e partner di presentashon;

• gastunan di produkshon i honorarionan di eventual kreadónan ku ken bo ta kolaborá;

• si ta aplikabel: gastunan pa desaroyo profeshonal, manera coaching òf edukashon;

• si ta aplikabel: gastunan di biahe i alohamentu.

E presupuesto mester ta realístiko i será, i duna un imágen kla di e strukturashon finansiero di bo proyekto.

Nò, no ta permití pa e proyekto ku bo ta solisitá supsidio p'e a ser ehekutá kaba na momentu di bo solisitut. Sí ta permití pa bo prepará e kontenido di bo proyekto.

Mester ehekutá i finalisá e proyekto denter di un aña despues di otorgamentu di e supsidio. Den bo solisitut bo ta spesifiká denter di kua periodo bo ta realisá e proyekto.

Promé nos ta verifiká si bo solisitut ta kompleto i si e proyekto ta kuadra ku e areglo. Si ta asina, nos ta prosesá bo solisitut. E ora ei, bo plan di proyekto i bo obra(nan) anterior anekso ta ser entregá na e asesornan di Letterenfonds, ku ta evaluá e kontenido di e solisitut. Nos ta purba pa mandá bo e desishon tokante di bo solisitut denter di diestres siman.

Nos meta ta pa informá bo tokante di e desishon denter di diestres siman despues di a risibí un solisitut kompleto. Bo ta haña e resultado via koreo elektróniko.

Asesornan eksterno ta evaluá e solisitutnan a base di e siguiente kriterionan:

• E kalidat literario di e obra(nan) anterior 
  Ta evaluá e kalidat literario di e obra(nan) ku bo ta aneksá na bo solisitut. Esaki ta trata entre otro di kalidatnan stilístiko i tékniko narativo, e forma skohé i e koherensia entre forma i kontenido.

• Kalidat i faktibilidat di e plan di proyekto
  Ta evaluá e kontenido, koherensia i e faktibilidat di e plan di proyekto. E presupuesto ta forma parti di esaki tambe; esaki mester ta realístiko i será. Banda di esaki, ta evaluá e ròl di e partner di presentashon i e manera ku lo alkansá e públiko meta.

• Balor agregá na e oferta literario
  Ta evaluá te na ki grado e proyekto ta suplementá e oferta literario eksistente, por ehèmpel danki na su originalidat di forma òf kontenido, ampliashon òf profundisashon di e kampo literario, òf e alkanse di gruponan meta nobo.

Si ta aplikabel, ta evaluá e plan di desaroyo respekto di kalidat, grado di realidat i koherensia ku e plan di proyekto tambe.

Pa otorgamentu, tur kriterio di evaluashon mester haña un kalifikashon positivo.

Si pa motibunan formal no prosesá bo solisitut, bo ta haña oportunidat pa entregá un solisitut mehorá despues, kon tal ku bo solisitut tin posibilidat pa kumpli ku e rekisitonan di entrada formal di e areglo.

Si a rechasá bo solisitut, bo no por entregá un solisitut nobo te na momentu ku bo tin obra(nan) nobo ku bo por entregá pa evaluashon.

Si a honra bo solisitut, bo no por entregá un solisitut nobo te na momentu ku bo a kompartí e resultado final ku un públiko konforme e plan, i e eventual trayekto di desaroyo aprobá a ser finalisá. Bo ta agregá e resultado final di bo promé solisitut na e solisitut nobo (esaki lo wòrdu evaluá pa asesornan).

Den bo solisitut, menshoná e fecha di bo partisipashon den e manifestashon òf aktividat, i agregá e flyer (òf otro prueba) di e programa ku bo tabata riba programashon. Un lenk pa un programa òf flyer riba internet ta sufisiente, òf si no, un skèn/potrèt di e flyer. Bo mester agregá un faktura tambe.

Pèrkurá pa inkluí e nòmber i logo di Nederlands Letterenfonds den tur komunikashon públiko relashoná ku e proyekto literario supsidiá. Bo ta haña e logo bou di downloads.