Promé ku bo entregá e solisitut, lesa e areglo (konsultá downloads) ku atenshon. Den esaki ta splika punto pa punto kua kondishonnan un solisitut mester kumpli kuné, i e kriterionan ku ta forma e base di evaluashon di e publikashon. Lo no prosesá solisitutnan inkompleto, meskos ku solisitutnan pa obranan ku ya kaba a publiká òf ku lo publiká denter di tres luna despues di entrega di e solisitut.
Gastunan di produkshon di publikashonnan spesial
Editorialnan hulandes por solisitá un kontribushon na e gastunan di publikashon i promoshon di obranan literario balioso i spesial, ku ta destaká for di e oferta regular. E areglo aki ta pa editornan ku ke publiká un buki ku ta importante pa literatura hulandes, pero ku ta antisipá ku e públiko lo ta relativamente limitá kompará ku e gastunan di produkshon. Òf ku e gastunan pa motibunan spesífiko ta muchu haltu pa por publiká e buki i generá ganashi. Ku e areglo aki, Nederlands Letterenfonds ke stimulá e kalidat i diversidat di e oferta literario na Hulanda.
Pa kiko
Editorialnan
Pa kiko
Gastunan di produkshon di publikashonnan spesial
Fecha limite
Inisiá bo aplikashon
Cuanto
Máksimo € 20.000
Techo di subsidio
€ 145.000
Pa kiko?
Pa obranan den idioma original hulandes òf fries, den vários género, i den algun kaso pa tradukshonnan. E areglo ta habri pa publikashonnan literario spesial den un di e kategorianan aki:
Klásiko: Patrimonio literario na hulandes òf fries, ku awor i den futuro ta importante pa motibu di su gran balor kultural.
Kontemporaneo: no fikshon literario na hulandes òf fries di hopi importansia i kalidat eksepshonal, literatura na fries, obranan (di teatro) kompilá, novelanan gráfiko literario i historiografia di literatura estranhero relativamente deskonosí na Hulanda.
Infantil i hubenil: literatura infantil i hubenil ilustrá di kalidat eksepshonal i obranan original ku ta dirigí na un grupo meta limitá òf difísil pa alkansá.
Tradusí: e promé dos publikashon serka un editorial hulandes di un outor residente na Hulanda ku hulandes no ta su idioma materno, tradukshonnan di obranan literario importante for di un idioma morto, tradukshonnan den idioma di seña hulandes i antologianan tradusí for di literaturanan relativamente deskonosí ku un introdukshon adekuá.
No por solisitá supsidio pa e publikashon di obranan kompilá no editá òf obranan kompilá di un obra no finalisá, publikashonnan di okashon, obranan spesialisá òf sientífiko i pa obranan ku por kumpra eksklusivamente atraves di un kadena di libreria so òf un kanal di benta so.
Títulonan pa kua e outor mes ta kontribuí na e gastunan di produkshon, promoshon òf distribushon, òf ku e outor ta kumpra sierto kantidat di ehemplar kontra pago, tampoko ta bini na remarke pa supsidio.
Ken ta bini na remarke?
Bo ta bini na remarke si bo ta un editorial establesé na Hulanda, inkluyendo Hulanda Karibense, na Aruba, Kòrsou òf Sint Maarten ku ta publiká obranan literario kontinuamente.
Kuantu?
E haltura di e supsidio final ta dependé di e ganashi di benta ku lo logra. Máksimo € 20.000 pa edishon.
Kondishonnan pa registrashon
E kantidat di imprenta mínimo ta 500 ehemplar. Pa obranan literario na fries e kantidat di imprenta mínimo ta 300 ehemplar. E obra mester keda ampliamente disponibel por lo ménos kuater aña despues di su publikashon. Bukinan digital (e-book) mester keda disponibel por lo ménos sinku aña despues di e fecha di publikashon. No por ta un reedishon.
Por entregá solisitut pa e areglo aki kontinuamente. Sí ta asina ku mester entregá e solisitut komo mínimo diestres siman i máksimo un aña promé ku e fecha di publikashon di e buki (digital).
E presupuesto ta realístiko i e publikashon no ta rendabel sin supsidio.
Tin un presupuesto ku a ser hasí segun e formulario di kalkulashon ku por haña entre e downloads, i si ta aplikabel, un splikashon di e kalkulashon.
A sera un Kontrato Modelo ku e outor(nan) enbolbí den e publikashon.
Preguntanan frekuente
Tessa Walta
Lucette Châtelain