Subsidio di Proyecto pa Creadornan di Buki

Pa medio di e areglo aki, autor, creador di imagen y ilustradornan den tur fase di nan carera por solicita pa subsidio pa creacion di obra literario nobo den forma di buki (prosa, no ficcion, poesia, literatura infantil y hubenil, graphic novels y otro tipo di storia grafico) publica pa un editor literario regular. Den e areglo revisa aki, awor debutante y creadornan di parti caribense di Reino tambe ta bin na remarca pa subsidio. Cu e areglo aki, Letterenfonds ta empeña pa un recompensa husto pa creadornan literario profesional, y di e manera aki ta stimula e calidad y diversidad di e oferta literario.

Pa kiko

Autornan cu ta scirbi na Hulandes, Fries, Papiamentu y Papiamento, y creadornan di imagen

Pa kiko

Creacion di obra literario nobo den forma di buki

Fecha limite

E ciclo aki ta cera 15 di april. E siguiente ultimo fecha di entrega pa autor ta riba prome di september. E ciclo pa creador di imagen a cera 2 di maart y ta bolbe habri na 2027.

Cuanto

€ 15.000 of € 30.000, dependiendo di e duracion di e proyecto

Techo di subsidio

€ 3.620.000 (pa aña)

Pa kico?

Pa creacion di obra literario nobo den forma di buki. Tur genero literario (prosa, no ficcion, poesia, literatura infantil y hubenil, graphic novels y otro tipo di storia grafico) ta bin na remarca. E obranan aki mester wordo publica pa un editor literario regular.

Ken ta bin na remarca?

Tur creador literario, no obstante fase di nan carera of e genero cu nan ta scirbi of ilustra, por pidi subsidio pa un buki. E areglo ta habri entre otro pa debutante, autor di prosa, poesia of biografia ilustrador di buki di prenchi y graphic novel, y autor procedente di parti caribense di Reino, tambe na Papiamentu y Papiamento. Por consulta e condicionnan specifico pa cada grupo di aplicante menciona bou di 'Condicion pa aplicacion'.

No ta posibel pa ricibi subsidio pa varios proyecto simultaneamente. Esaki ta significa cu bo no por bolbe pidi subsidio te ora bo buki subsidia anteriormente a wordo publica.

Cuanto?

E montante di subsidio ta depende di e inversion di tempo anticipa den e proyecto desde e momento cu ta pidi subsidio.

· Pa proyectonan cu ta dura menos cu dos aña entre e momento cu ta pidi subsidio y e momento di publicacion, por aplica pa € 15.000.

· Pa proyectonan cu ta dura dos aña of mas: € 30.000.

· Si bo entrega un aplicacion pa un graphic novel cu tanto un autor y un ilustrado ta traha riba dje, diferente montantenan ta aplicabel: € 20.000 pa proyectonan te dos aña y € 40.000 pa proyectonan desde dos aña. Ta distribui e montantenan entre e creadornan.

· Ta posibel pa aplica pa e montante di subsidio mas abao pa proyectonan mas largo.

Ultimo fechanan di entrega

Autor den tur genero y den tur fase di nan carera por entrega nan aplicacion den e tres ciclonan di aplicacion general. Banda di esaki, tur aña tin un momento di aplicacion pa autor y creador di imagen di graphic novels y pa creador di imagen di obranan ilustra. Autor di obra ilustra ta entrega nan aplicacion den un di e tres ciclonan di aplicacion general.

Na 2026, e loketnan ta habri riba:

· 2 di februari – 2 di maart (pa creador di imagen) - cera.

· 16 di maart – 15 di april (pa autor)

· 1 di juli – 1 di september (pa autor)

Proceso di evaluacion

Despues di e ultimo fecha di entrega ta controla tur aplicacion cu a drenta. Lo trata solamente aplicacion cu ta completo na momento cu e ronda di aplicacion ta cera. Bo por agrega anexonan na bo aplicacion, pero si bo hasi esaki despues di e fecha limite, lo trata bo aplicacion den e siguiente ciclo. Obranan pa evalua tambe mester ta entrega prome cu e ultimo fecha di entrega caduca. Solamente por entrega aplicacion pa proyectonan literario cu na momento di otorgamento di e subsidio no a ser realisa ainda. 

Solamente aplicacionnan cu ta cumpli cu rekisitonan formal ta wordo evalua pa un comision di evaluacion. Den e ciclonan di subsidio general ta distribui e aplicacionnan den tres diferente categoria, pues lo evalua y califica bo aplicacion den bo categoria. Cada categoria tin su mes plafond di subsidio. Ta trata di:

· Aplicantenan cu ta scirbi un obra debutante;

· Aplicantenan cu a publica un buki so;

· Aplicantenan cu a publica dos buki of mas.

E calidad di obra(nan) anterior, cu e siguiente criterionan parcial:
- E calidad di e publicacion di buki mas recien, of un fragmento di e publicacion cu lo scirbi (si trata di un debuut)
- E calidad di otro obra(nan) anterior
E calidad di e plan di proyecto, cu e siguiente criterionan parcial:
- Poder di conviccion literario y e grado di realismo di e plan di e proyecto
- E grado na cual e buki ta contribui na inovacion of ampliacion di e oferta literario
- Desaroyo artistico
- Relevancia social of cultural

Pa autornan di biografia literario ta conta cu nan por score punto adicional si nan cumpli cu algun criterio adicional:

E topico ta un of varios protagonista cu tabata determinante pa literatura Hulandes
Tin suficiente material di archivo, of tin suficiente fuente scirbi of oral
E aplicante por usa e fuentenan di manera convincente
E aplicante tin suficiente distancia critico di e topico;
E biografia no ta wordo scirbi den contexto laboral cientifico.

Den e splicacion di e areglo ta splica e criterianan cu mas detaye. Desviando di e regla cu no por entrega aplicacion ora bo tin un proyecto andando, den caso di biografianan literario ta conta cu si ainda bo ta trahando riba un biografia literario subsidia, bo por entrega aplicacion pa un buki den otro genero, y vice versa.

Checklist pa bo aplicacion

Un aplicacion completo ta consisti di e siguiente componentenan. Verifica cu bo tin tur documento necesario prome cu bo entrega bo aplicacion: 

un plan di proyecto elabora di acuerdo cu e modelo disponibel riba e website di Letterenfonds; pa autornan of pa creadornan di imagen
un copia di e acuerdo di publicacion cu e editor, of un declaracion di intencion di e editor cu ta demostra cu esaki lo cera un acuerdo di publicacion cu e aplicante pa e publicacion literario cu lo scirbi. Si e publicacion literario cu lo scirbi ta un debuut, mester agrega un acuerdo di publicacion na e aplicacion; 
un copia di e acuerdo di publicacion cu e editor pa cada publicacion literario cu bo ta entrega pa evaluacion (e anexo aki no ta conta pa debutantenan)
e ultimo aanslag definitivo impone di impuesto riba entrada (pues no e aanslag provisional ni e declaracion di impuesto); y
obra(nan) literario cu durante tratamento di bo aplicacion lo entrega na nos consehornan y lesadonan externo pa evaluacion. Ki obra literario esaki ta, ta depende di e grupo den cual bo ta entrega bo aplicacion, y e pregunta si bo a entrega un aplicacion cerca nos anteriormente, of no. Nos ta prefera ricibi publicacionnan di buki den forma fisico (cinco ehemplar) na nos adres fisico.

Ora entrega un aplicacion pa un obra debutante:

Un fragmento di e buki pa cual bo ta entrega e aplicacion. E tamaño ta depende di e genero di e buki cu lo scirbi, por consulta e informacion aki den e areglo (articulo 6, inciso seis, sub c).
Otro obra literario pa evalua, segun eleccion di e aplicante. E tamaño ta depende di e genero di buki cu lo scirbi, por consulta e informacion aki den e areglo (articulo 6, inciso seis, sub d).

Ora entrega un aplicacion pa un di dos buki:

Bo debuut literario (cinco ehemplar)

Si bo a entrega un aplicacion anteriormente:

Bo publicacion literario mas recien (cinco ehemplar) cu ainda no a ser evalua den marco di e areglo aki of su predecesornan legal).

Si bo no a entrega aplicacion anteriormente, pero bo tin como minimo dos publicacion caba:

Bo publicacion literario mas recien (cinco ehemplar)
Un di dos publicacion literario di bo eleccion (cinco ehemplar).

Atencion: mester entrega tur buki na Letterenfonds na tempo, pa mas tarda riba e ultimo fecha di entrega. Por fabor, manda nan na nos adres fisico Nieuwe Prinsengracht 89, 1091 BX Amsterdam, y warda e comprobante di envio. Lo no debolbe bukinan entrega, a menos cu no por trata e aplicacion.

Bo a colecta tur documento? E ora por entrega bo aplicacion pa medio di 'Inicia bo aplicacion' na e parti ariba di e pagina aki.

Condicion pa aplicacion

Titulonan pa cual e autor mes ta contribui na gasto di produccion, promocion of distribucion, of cu e autor ta cumpra cierto cantidad di ehemplar contra pago, no ta bin na remarca pa subsidio a base di e areglo aki.
Den e añanan cu e proyecto subsidia ta ser scirbi, e entrada colectivo bruto imponibel no mag ta mas halto cu € 52.500 incluyendo e subsidio otorga pa Letterenfonds. Ta posibel pa pidi pago di e montante di subsidio den cuota, pa e duracion di e proyecto y den maximo di tres aña. E ultimo aanslag definitivo di Servicio di Impuesto impone riba entrada (pues no e aanslag preliminar ni e declaracion di impuesto) ta sirbi como prueba di e entrada colectivo imponibel. Si e proyecto di scirbimento tin un duracion di mas cu un aña, den un di e añanan ey, e entrada colectivo imponibel por ta mas alto cu € 52.500, basta cu e entrada promedio den e añanan den cual e proyecto ta tuma luga (como maximo tres aña) no ta mas alto cu € 52.500 pa aña. Si tin exceso di e montantenan aki, mester notifica esaki mas pronto posibel, agregando e copianan di e aanslagnan aki. Pa aplicantenan pa biografia literario no tin limite di entrada.

Condicionnan pa tur grupo di aplicante

den e categoria aki nos ta inclui: graphic novels, buki di prenchi y otro obranan ilustra) ta conta cu e aplicante mester tin derecho riba 30% di e royalty di creador. Pues si e royalty di creador ta 10%, como minimo 3% mester bay na e aplicante. Esaki pasobra e areglo aki no ta destina na creadornan di imagen cu ta haci un contribucion relativamente limita na un buki. Specificamente pa e autor di un novela grafico cu no ta traha e imagen su mes, ta conta cu e parti scirbi di e buki ta minimo 2000 palabra.
Ainda no tin contrato modelo pa graphic novels, p'esey e condicionnan pa creadornan di graphic novels ta desvia riba e punto aki. Den articulo 5 di e areglo bo ta lesa kico e desviacionnan aki ta encera.

Considerando e hecho cu e infrastructura literario na parti caribense di Reino di diferente for di esun na Hulanda Europeo, e condicionnan di entrada pa aplicantenan caribense ta mas amplio. E falta di cas editorial cu riba nan mes gasto ta guia y publica autornan, ta pone cu condicionnan adapta ta necesario. P'esey, pa aplicantenan cu ta residente di parti caribense di Reino y ta scirbi na Hulandes, Ingles, Papiamentu of Papiamento, ta conta lo siguiente:
- Tin como minimo un organisacion adicional envolvi den e proyecto, cu ta encarga cu redaccion, produccion of promocion di e obra cu lo scirbi. Esaki por ta por ehemplo un biblioteca of festival literario, of un organisacion cu ta empeña cu promocion di lesamento of desaroyo di talento literario.
- Den e acuerdo cu e organisacion aki a haci palabracionnan tocante di royalty, pago, adelanto, honorario y derecho di autor.
- E cantidad di imprenta minimo ta 150 ehemplar.
- Si e aplicacion ricibi un puntuacion promedio suficiente riba criterio 1, ta honra e aplicacion.