Revistanan literario

Revistanan literario di bon calidad ta yuda talento conoci y desconoci pa avansa nan carera. Un santuario caminda talento por desaroya y ideanan nobo ta haya tur espacio. Ademas, nan ta ofrece redactornan e posibilidad pa perfecciona nan habilidadnan (redaccional) y pa presenta nan mes na publico y specificamente na e fishi di buki. Revistanan no solamente ta reflecciona e sucesonan den sociedad, sino nan ta influencia nos bista riba literatura y mundo tambe.

Pa duna revistanan literario espacio pa sigui desaroya y profesionalisa, ta importante pa ofrece nan trankilidad y seguridad financiero pa un termino largo. P'esey, e termino pa cual por solicita subsidio ta keda cuater aña, mescos cu na 2021-2024. Ademas, a aumenta e montante di subsidio pa revista di € 15.000 pa € 20.500 pa aña. P'esey a agrega budget adicional na e posibilidadnan – inicialmente mas limita – pa 2025-2028. E budget adicional ta bini for di e recursonan fair pay cu Ministerio di OCW a haci disponibel pa e Fondo di Cultura den Reino, institucionnan BIS [Infrastructura Base Cultural] y museo cu ta cay bao di Ley di Patrimonio. Pa e motibo ey, pa prome biaha Letterenfonds ta pidi e revistanan pa tene nan mes na e siguiente tarifanan minimo pa honorarionan di autornan y ilustradornan. Esakinan ta montantenan minimo absoluto, y e fondo ta invita e revistanan pa aumenta nan (si ta posibel):

• Prosa original: 10 cen pa palabra

• Poesia original: € 75 pa poema

• Prosa traduci: 7,5 cen pa palabra

• Poesia traduci: € 55 pa poema

• Ilustracion: € 75 pa ilustracion (categoria nobo)

Pa fortalece e posicion di e revistanan den e campo literario, Letterenfonds ta pidi esnan cu ta ricibi subsidio pa sigui contribui na e formacion di, y pa participa activamente den un colaboracion den henter e sector pa revistanan literario, siguiendo e ehemplo di VLAM21. Na 2025, Letterenfonds lo inicia esaki.

Ta spera di e redaccionnan cu nan ta aplica e Fair Practice Code y e Governance Code Cultuur y ta describi con nan ta relaciona cu e Code Diversiteit en Inclusie (Codigo di Diversidad y Inclusion). Den e marco aki, e fondo ta supone cu tin ambicion creciente, adecua pa e situacion den cual e revistanan ta funciona.

Durante cuater aña, Letterenfonds lo tene combersacionnan di monitoreo cu e revistanan, tocante di e progreso y e realisacion di e metanan cu a formula pa 2025-2028.

• Revistanan literario (na Hulandes, Papiamentu, Papiamento of Fries) cu ta persona huridico establece den Reino Hulandes y cu no tin fin di lucro.

• Ta exclui revistanan cu enfoke demasiado limita di e solicitudnan, mescos cu revistanan specialisa, cientifico y di membresia, cu excepcion di revistanan pa e practica profesional di traduccion literario.

• A publica e revista desde 1 di maart 2023 sin interupcion, cu un tamaño di como minimo 48 pagina pa aña calendario y un frecuencia di publicacion di dos biaha pa aña (pa revistanan fisico) of como minimo cuarenta obra literario nobo pa aña y un schema di publicacion regular (pa revistanan digital).

• Tin por lo menos un partido mas cu ta actua como cofinanciador, Letterenfonds no por ta e unico inversionista.

• E revista tin un redaccion profesional cu ta consisti di varios persona. E redaccion ta soru pa adkisicion y seleccion di e articulonan, y ta revisa y coregi tur articulo cu lo publica.

• Por lo menos mita di e contribucionnan publica ta di indole literario, y e contribucionnan no ta scirbi principalmente pa e miembronan di redaccion.

• Ta otorga e contribucionnan den un ronda, y nan ta cubri cuater aña. Un revista ta ricibi € 82.000, es decir: € 20.500 pa aña.

• Por uza un maximo di 50% di e subsidio pa cubri otro gastonan pa e revista cu no ta e compensacion pa autornan, ilustradornan y redaccion.

Un comision di conseho lo evalua bo solicitud. E comision tin miembronan di Hunta di Conseho y expertonan externo. E meta ta pa anuncia e decision di subsidio prome cu fin di aña, y pa mas tarda 22 siman despues di a ricibi e solicitud.

E comision di conseho ta evalua e solicitudnan a base di e siguiente puntonan:

• e calidad literario di e revista;

• e plannan redaccional, e alcance di publico y e vision pa futuro;

• e calidad y grado di realidad di e explotacion.tie.

Ora di inicia bo solicitud, ta pidi bo pa yena bo datonan y pa upload e anexonan necesario. Un anexo importante ta e formulario di solicitud yena. Bo ta haya e formulario aki na e parti abao di e pagina aki. E fondo solamente ta tramita solicitudnan completo. Si bin resulta cu toch e solicitud ta incompleto, dentro di dos siman bo por manda e informacion cu ta falta. Si e ora ey e solicitud ta incompleto ainda, ta rechasa esaki formalmente.

Den caso di un decision positivo, ta paga mita di e montante total di subsidio otorga dentro di cuater siman despues di e decision por escrito.

• Ta recomendabel pa lesa e areglo y e formulario di solicitud cu atencion di antemano (consulta e downloadnan aki bao). Den esakinan bo ta lesa cu ki condicionnan bo mester cumpli y con pa hustifica e subsidio despues. Tambe bo por lesa kico e comision ta tene cuenta cune ora di evalua bo solicitud.

• Atencion: lo no procesa solicitudnan cu no ta redacta segun e formularionan, of cu ta incompleto.