Creadornan pafo di e buki

Un partner di presentacion ta un organisacion cultural of literario cu ta presenta bo obra nobo na un publico, y cu ta apoya bo durante e proceso creativo.

Na of despues di 2021, e partner di presentacion a ricibi un subsidio multianual of incidental di Letterenfonds, of e por demostra cu e por presenta bo obra profesionalmente y por realisa suficiente alcance di publico. Editorialnan y productornan profesional por ta partner di presentacion tambe.

Den e resumen Ondersteunde literaire tijdschriften en organisaties bo por consulta si e organisacion a ricibi subsidio di Letterenfonds.

E partner di presentacion ta splica den un carta di motivacion acompañante dicon precisamente abo ta ricibi apoyo, y con lo presenta bo producto final na publico. Banda di esaki, e partner di presentacion ta splica di ki manera e lo apoya bo durante bo proceso, y di ki manera ta garantisa alcance di publico.

Como creador, pa presentacionnan y actuacionnan, bo mester haya un compensacion cu por lo menos ta conforme e tarifa basico di Schrijverscentrale. Tambe si ta trata di otro tipo di 'producto final', obviamente bo mester haya un honorario profesional.

Bo por entrega un solicitud pa creacionnan literario na Hulandes, Fries, Papiamentu, Papiamento of idioma di seña Hulandes. Ta entrega e formulario di solicitud y e splicacion na Hulandes.

Den e presupuesto, bo ta inclui tur gasto y entrada mara na e proyecto.

Den todo caso, pensa riba:

• bo mes honorario (como minimo 50% di e montante di subsidio solicita);

• e honorario cu bo ta ricibi di e partner di presentacion;

• gastonan di produccion y honorarionan di eventual creadornan cu ken bo ta colabora;

• si ta aplicabel: gastonan pa desaroyo profesional, manera coaching of educacion;

• si ta aplicabel: gastonan di biahe y alohamento.

E presupuesto mester ta realistico y cera, y duna un imagen cla di e structuracion financiero di bo proyecto.

No, no ta permiti pa e proyecto cu bo ta solicita subsidio p'e a ser ehecuta caba na momento di bo solicitud. Si ta permiti pa bo prepara e contenido di bo proyecto.

Mester ehecuta y finalisa e proyecto dentro di un aña despues di otorgamento di e subsidio. Den bo solicitud bo ta specifica dentro di cual periodo bo ta realisa e proyecto.

Prome nos ta verifica si bo solicitud ta completo y si e proyecto ta cuadra cu e areglo. Si ta asina, nos ta procesa bo solicitud. E ora ey, bo plan di proyecto y bo obra(nan) anterior anexo ta ser entrega na e asesornan di Letterenfonds, cu ta evalua e contenido di e solicitud. Nos ta purba pa manda bo e decision tocante di bo solicitud dentro di diestres siman.

Nos meta ta pa informa bo tocante di e decision dentro di diestres siman despues di a ricibi un solicitud completo. Bo ta haya e resultado via coreo electronico.

Asesornan externo ta evalua e solicitudnan a base di e siguiente criterionan:

• E calidad literario di e obra(nan) anterior 
  Ta evalua e calidad literario di e obra(nan) cu bo ta anexa na bo solicitud. Esaki ta trata entre otro di calidadnan stilistico y tecnico narativo, e forma eligi y e coherencia entre forma y contenido.

• Calidad y factibilidad di e plan di proyecto
  Ta evalua e contenido, coherencia y e factibilidad di e plan di proyecto. E presupuesto ta forma parti di esaki tambe; esaki mester ta realistico y cera. Banda di esaki, ta evalua e rol di e partner di presentacion y e manera cu lo alcansa e publico meta.

• Balor agrega na e oferta literario
  Ta evalua te na ki grado e proyecto ta suplementa e oferta literario existente, por ehemplo danki na su originalidad di forma of contenido, ampliacion of profundisacion di e campo literario, of e alcance di gruponan meta nobo.

Si ta aplicabel, ta evalua e plan di desaroyo respecto di calidad, grado di realidad y coherencia cu e plan di proyecto tambe.

Pa otorgamento, tur criterio di evaluacion mester haya un calificacion positivo.

Si pa motibonan formal no procesa bo solicitud, bo ta haya oportunidad pa entrega un solicitud mehora despues, con tal cu bo solicitud tin posibilidad pa cumpli cu e rekisitonan di entrada formal di e areglo.

Si a rechasa bo solicitud, bo no por entrega un solicitud nobo te na momento cu bo tin obra(nan) nobo cu bo por entrega pa evaluacion.

Si a honra bo solicitud, bo no por entrega un solicitud nobo te na momento cu bo a comparti e resultado final cu un publico conforme e plan, y e eventual trayecto di desaroyo aproba a ser finalisa. Bo ta agrega e resultado final di bo prome solicitud na e solicitud nobo (esaki lo ser evalua pa asesornan).

Den bo solicitud, menciona e fecha di bo participacion den e manifestacion of actividad, y agrega e flyer (of otro prueba) di e programa cu bo tawata riba programacion. Un link pa un programa of flyer riba internet ta suficiente, of si no, un scan/potret di e flyer. Bo mester agrega un factura tambe.

Percura pa inclui e nomber y logo di Nederlands Letterenfonds den tur comunicacion publico relaciona cu e proyecto literario subsidia. Bo ta haya e logo bao di downloads.