Intercambionan literario

Pa proyectonan cu ta soru pa nos por comparti conocemento y por lanta bon colaboracion entre diferente luganan caminda ta papia Hulandes (Hulanda, Flandes, Surnam, Aruba, Boneiro, Corsou, Saba, Sint Eustatius y Sint Maarten).

Bo por solicita e subsidio aki como organisacion of creador literario ora bo tin plannan pa inicia proyectonan pa promocion di lectura y proyectonan literario. E iniciativanan aki mester stimula intercambionan literario entre e diferente partinan di e area di idioma Hulandes. 

Bo por solicita subsidio den dos categoria:

Categoria A

Bo ta autor, poeta (di performance), artista spoken word/slam, traductor, ilustrador of programador/curador literario y bo kier explora bo oportunidadnan artistico of profesional den otro region di habla Hulandes? Of bo kier lanta un colaboracion nobo? E ora ey, bo por solicita un subsidio te maximo € 2.500.

Categoria B

Como organisacion of colectivo, bo ta activo den e area literario y bo kier lanta un colaboracion internacional den e area di idioma Hulandes? Bo ta haci esaki a base di un proyecto literario dedica na e intercambio di conocemento y experticio entre e diferente region di nos area di idioma? E ora ey, bo por solicita un subsidio te maximo € 10.000.

Por solicita e subsidio cerca Literatuur Vlaanderen.

Aplicantenan den categoria A por solicita subsidio cualkier momento di aña. E fecha limite semper ta e prome dia di luna.

Aplicantenan den categoria B por solicita subsidio pa un intercambio literario dos biaha pa aña.

• 1 di april 2026: fecha limite pa proyectonan cu ta cuminsa of tuma luga desde mei 2026

• 1 di september 2026: fecha limite pa proyectonan cu ta cuminsa of tuma luga desde november 2026