Prome cu bo entrega e solicitud, lesa e areglo (consulta downloads) cu atencion. Den esaki ta splica punto pa punto cual condicionnan un solicitud mester cumpli cune, y e criterionan cu ta forma e base di evaluacion di e publicacion. Lo no procesa solicitudnan incompleto, mescos cu solicitudnan pa obranan cu ya caba a publica of cu lo publica dentro di tres luna despues di entrega di e solicitud.
Gastonan di produccion di publicacionnan special
Editorialnan Hulandes por solicita un contribucion na e gastonan di publicacion y promocion di obranan literario balioso y special, cu ta destaca for di e oferta regular. E areglo aki ta pa editornan cu kier publica un buki cu ta importante pa literatura Hulandes, pero cu ta anticipa cu e publico lo ta relativamente limita compara cu e gastonan di produccion. Of cu e gastonan pa motibonan specifico ta demasiado alto pa por publica e buki y genera ganashi. Cu e areglo aki, Nederlands Letterenfonds kier stimula e calidad y diversidad di e oferta literario na Hulanda.
Pa kiko
Editorialnan
Pa kiko
Gastonan di produccion di publicacionnan special
Fecha limite
Continuo
Cuanto
Maximo € 20.000
Techo di subsidio
€ 145.000
Pa kico?
Pa obranan den idioma original Hulandes of Fries, den varios genero, y den algun caso pa traduccionnan. E areglo ta habri pa publicacionnan literario special den un di e categorianan aki:
Clasico: Patrimonio literario na Hulandes of Fries, cu awor y den futuro ta importante pa motibo di su gran balor cultural.
Contemporaneo: no ficcion literario na Hulandes of Fries di hopi importancia y calidad excepcional, literatura na Fries, obranan (di teatro) compila, novelanan grafico literario y historiografia di literatura estranhero relativamente desconoci na Hulanda.
Infantil y hubenil: literatura infantil y hubenil ilustra di calidad excepcional y obranan original cu ta dirigi na un grupo meta limita of dificil pa alcansa.
Traduci: e prome dos publicacion cerca un editorial Hulandes di un autor residente na Hulanda cu Hulandes no ta su idioma materno, traduccionnan di obranan literario importante desde un idioma morto, traduccionnan den idioma di seña Hulandes y antologianan traduci for di literaturanan relativamente desconoci cu un introduccion adecua.
No por solicita subsidio pa e publicacion di obranan compila no edita of obranan compila di un obra no finalisa, publicacionnan di ocasion, obranan specialisa of cientifico y pa obranan cu por cumpra exclusivamente atraves di un cadena di libreria so of un canal di benta so.
Titulonan pa cual e autor mes ta contribui na e gastonan di produccion, promocion of distribucion, of cu e autor ta cumpra cierto cantidad di ehemplar contra pago, tampoco ta bini na remarca pa subsidio.
Ken ta bini na remarca?
Bo ta bini na remarca si bo ta un editorial establece na Hulanda, incluyendo Hulanda Caribense, na Aruba, Corsou of Sint Maarten cu ta publica obranan literario continuamente.
Cuanto?
E altura di e subsidio final ta depende di e ganashi di benta cu lo logra. Maximo € 20.000 pa edicion.
Condicionnan pa registracion
E cantidad di imprenta minimo ta 500 ehemplar. Pa obranan literario na Fries e cantidad di imprenta minimo ta 300 ehemplar. E obra mester keda ampliamente disponibel por lo menos cuater aña despues di su publicacion. Bukinan digital (e-book) mester keda disponibel por lo menos cinco aña despues di e fecha di publicacion. No por ta un reedicion.
Por entrega solicitud pa e areglo aki continuamente. Si ta asina cu mester entrega e solicitud como minimo diestres siman y maximo un aña prome cu e fecha di publicacion di e buki (digital).
E presupuesto ta realistico y e publicacion no ta rendabel sin subsidio.
Tin un presupuesto cu a ser haci segun e formulario di calculacion cu por haya entre e downloads, y si ta aplicabel, un splicacion di e calculacion.
A cera un Contrato Modelo cu e autor(nan) envolvi den e publicacion.
Preguntanan frecuente
Tessa Walta
Lucette Châtelain