Becanan di desaroyo pa creadornan literario

E subsidio ta destina na contribucion na e gastonan pa educacion, coaching, guia y redaccion, of na e gastonan di biahe y alohamento pa educacion of investigacion local of den exterior. Bo no por uza e beca di desaroyo pa financia un estudio di autor hbo of universitario, fulltime ni parttime, ni pa gastonan di bida of recursonan electronico manera laptop. Atencion: e actividadnan den e plan di desaroyo mester tuma luga den futuro.

Tene cuenta cu pa tumamento di decision tocante di e solicitud, Letterenfonds tin un termino di decision di maximo 8 siman. 

Bo ta creador literario avansa? E ora ey, bo ta bini na remarca si den e ultimo dos aña bo a ricibi un subsidio di proyecto pa scirbi un buki. Pa subsidio di proyecto ricibi bo por ricibi un beca di desaroyo un biaha so.

Bo ta creador literario nobato? Bo ta bini na remarca solamente si bo no a publica bo debuut ainda, y si bo cumpli cu por lo menos un di e siguiente condicionnan:   

• den e ultimo dos aña, bo a cera un contrato cu un editor cu por lo menos ta cumpli cu e rekisitonan di e Contrato Modelo. Of bo a ricibi un declaracion di intencion firma, den cual e editor ta pronuncia e intencion pa publica bo debuut, como minimo segun e condicionnan di e Contrato Modelo;   

• bo a finalisa un estudio di autor hbo of universitario 1 te 3 aña pasa;  

• den e ultimo dos aña, bo tawata riba programacion di un manifestacion/festival literario of actividad literario educativo, cu a ricibi subsidio di Nederlands Letterenfonds. Durante bo actuacion bo a presenta un obra propio cu tawata scirbi pa gran parti na Hulandes, Papiamentu, Papiamento of Fries;   

• den e ultimo dos añanan bo a publica den un revista literario cu a ricibi subsidio di Letterenfonds;  

• den e ultimo dos añanan bo a participa den un trayecto di desaroyo di talento di Letterenfonds;  

• no mas cu dos aña pasa bo a ricibi subsidio a base di e areglo Creadornan pafo di e buki di Letterenfonds:   

• no mas cu dos aña pasa bo a ricibi subsidio a base di e areglo Literatuur Caribe.  

Bo por ricibi un Beca di desaroyo pa creadornan literario nobato un biaha so.   

Bo por solicita pa minimo € 500 y maximo € 2.500. Bo ta substancia e montante cu un presupuesto.

Ta evalua tur proposicion segun e orden cu nan a drenta, a base di e siguiente puntonan:   

• e calidad di e plan di desaroyo;   

• e grado di realidad di e presupuesto.   

E gastonan den bo presupuesto mester ta rasonabelmente relaciona na e actividadnan pa cual bo ta haci e solicitud. Aspectonan manera durabilidad y funcionalidad por hunga un rol den e evaluacion.  

Bo por solicita na tur momento, atraves di e boton 'Inicia bo solicitud' na e parti ariba di e pagina aki. Durante bo solicitud, bo mester upload algun anexo. Bo no por warda e solicitud mientras bo no a finalisele, pues busca e anexonan delanta. Un solicitud completo ta consisti di:   

• e formulario di solicitud digital, alcansabel via 'Inicia bo solicitud';  

• un plan di desaroyo redacta segun e modelo riba e pagina aki

• un presupuesto;  

• si ta aplicabel: un refleccion riba e manera cu un beca di desaroyo cu bo a ricibi anteriormente a contribui na e desaroyo profesional propio.