Areglo di apoyo pa creadornan di buki

Entrante januari di 2026 a cuminsa e areglo nobo Subsidionan di Proyecto pa Creadornan di Buki, cu algun cambio importante, manera e ampliacion di e grupo meta (cu entre otro debutante, ilustrador y autornan di graphic novel), montantenan fiho y menos enfasis riba e obra completo. A pesar cu pa creadornan cu te aworaki no tawata bini na remarca, esaki ta un desaroyo positivo, Letterenfonds ta realisa cu e revision aki por tin consecuencianan negativo pa algun creador cu den pasado tawata ricibi subsidio frecuentemente. P'esey, autornan cu a sufri consecuencianan financiero debi na e areglo nobo Subsidionan di Proyecto pa Creadornan di Buki, ta bini na remarca pa e Areglo di Apoyo.  

Creadornan cu desde e cuminsamento di e areglo anterior Subsidionan di Proyecto pa Publicacionnan na 2013 a ricibi como minimo tres subsidio di proyecto pa publicacionnan. E ultimo otorgamento mester ta despues di prome di januari 2021. Otorgamentonan den e marco di Bidanan di Autor, areglo di biografia tambe ta conta. Bo por entrega un solicitud si: 

• a rechasa bo solicitud den e marco di e areglo Subsidionan di Proyecto pa Creadornan di Buki a base di motibonan substancial of presupuestario;   

• bo no por entrega solicitud den e marco di e areglo Subsidionan di Proyecto pa Creadornan di Buki debi na e rekisito cu aplicantenan no mag ta involucra den un proyecto subsidia di cual e buki cu lo scribi ainda no a ser publica; 

• bo a haya un otorgamento den e marco di e areglo Subsidionan di Proyecto pa Creadornan di Buki, pero e montante ta mas abao di loke lo bo a ricibi den e marco di e areglo anterior Subsidionan di Proyecto pa Publicacionnan y Bidanan di Autor, areglo di biografia. 

Atencion: tin un limite di entrada imponibel di € 52.500 na 2026 (na 2025 esaki tawata € 47.500), incluyendo posibel subsidio cu a otorga. 

E montante di e subsidio ta varia pa aplicante. Den caso di rechaso of otorgamento mas abao den e marco di e areglo nobo Subsidionan di Proyecto pa Creadornan di Buki, nos ta basa nos mes riba e otorgamento di subsidio mas alto di e ultimo tres otorgamento den e marco di e areglo Subsidionan di Proyecto pa Publicacionnan of e areglo Bidanan di Autor, areglo di biografia. E otorgamentonan di tur dos areglo ta conta. E montante di subsidio aki ta e punto di referencia pa e calculacionnan posterior, e asina yama montante di referencia.

Den caso di rechaso pa subsidio di proyecto, ta otorga 75% di e montante di referencia como subsidio di apoyo, pero cu un minimo di € 12.500.

• Si e subsidio ta mas abao cu subsidionan anterior, ta suplementa e montante te 75% di e montante di referencia.  

• Si bo no por entrega solicitud den e marco di e areglo nobo Subsidionan di Proyecto pa Creadornan di Buki debi na un proyecto cu ta canando, e montante di subsidio den e marco di e areglo di apoyo ta € 12.500. 

• Si bo no por entrega solicitud debi na un proyecto cu ta canando, pero na 2025 bo a ser rechasa pa motibonan presupuestario den e marco di e areglo Subsidionan di Proyecto pa Publicacionnan, y awor bo ta bolbe entrega solicitud pa e mesun proyecto, e montante di subsidio den e marco di e areglo di apoyo ta 75% di e montante di referencia. 

Por entrega solicitudnan continuamente pa medio di e boton 'Inicia bo solicitud' na e parti ariba di e pagina aki, te cu a yega na e plafond di subsidio di e areglo. Ta evalua e solicitudnan segun orden cu nan a drenta. E areglo ta habri te fin di 2027. Si yega na e plafond di subsidio di e areglo prome cu e fecha ey, e loket di solicitud ta cera.

Un solicitud ta consisti di: 

• un formulario di solicitud completamente yena; 

• un copia di e acuerdo di publicacion cu e editor, of un declaracion di intencion cu ta demostra cu e editor ta dispuesto pa drenta den un acuerdo pa e publicacion cu lo scribi. Si bo solicita pa un proyecto cu ta canando, un declaracion di intencion no ta suficiente: un contrato ta obligatorio, a menos cu na 2025 bo proyecto nobo a ser rechasa caba pa motibonan presupuestario;

• un copia di e acuerdo di publicacion pa e publicacion literario di mas recien; 

• e montante definitivo impone di impuesto riba entrada mas recien 

Ta evalua e admisibilidad di e solicitudnan entrega. Si e aplicante cumpli cu e rekisitonan minimo describi aki riba, ta tramita e solicitud dentro di seis siman.  

Atencion: si solicita subsidio di apoyo pa un proyecto, no por bolbe entrega solicitud pa e mesun proyecto den e marco di e areglo Subsidionan di Proyecto pa Creadornan di Buki. Un proyecto por haya apoyo un biaha so. Un proyecto cu ta canando den e Areglo di Apoyo no tin influencia riba bo posibilidadnan pa entrega solicitud pa un proyecto nobo den e marco di e areglo Subsidionan di Proyecto pa Creadornan di Buki.  

Pregunta? Tuma contacto cu Akane Luiken a.luiken@letterenfonds.nl