Makkers bûten it boek om

In presintaasjepartner is in literêre of kulturele organisaasje dy’t dyn nije wurk presintearret oan in publyk en dy stipet by it kreative proses.

De presintaasjepartner hat yn of nei 2021 in mearjierrige of ynsidintele subsydzje krigen fan it Letterefûns, of kin sjen litte dat hy/sy dyn wurk profesjoneel presintearje kin en it publyk foldwaande berikke kin. Ek útjouwerijen en profesjonele produsinten kinne in presintaasjepartner wêze.

Yn it oersjoch Stipe literêre tydskriften en organisaasjes kinst sjen oft de organisaasje subsydzje krigen hat fan it Letterenfûns.

De presintaasjepartner jout yn in begeliedende motivaasjebrief oan wêrom’st do presys stipe fertsjinnest, en hoe’t dyn einprodukt oan it publyk presintearre wurde sil. Dêrnjonken ljochtet de presintaasjepartner ek ta op hokker wize hy/sy dy by it proses stypje sil en hoe’t it berikken fan it publyk boarge wurdt.

Foar presintaasjes en optredens hearst as makker in fergoeding te krijen fan minimaal it basistaryf fan de Schrijverscentrale. Ek as it giet om in oarsoartich ‘einprodukt’ hearst fansels in profesjoneel honorarium te krijen.

Kinst in oanfraach yntsjinje foar literêre kreaasjes yn it Nederlânsk, Frysk, Papiamintsk of de Nederlânske Gebeartetaal. It oanfraachformulier en de taljochting wurde yn it Nederlânsk yntsjinne.

IYn de begrutting nimst alle kosten en ynkomsten op dy’t by it projekt hearre.

Tink yn alle gefallen oan:

• Dyn eigen honorarium (minimaal 50% fan it oanfrege subsydzjebedrach);

• It honorarium datst krijst fan de presintaasjepartner;

• De produksjekosten en honoraria fan oare makkers dêr’tst mei gearwurkest;

• As it fan tapassing is: kosten foar profesjonele ûntwikkeling, lykas coaching of oplieding;

• As it fan tapassing is: reis- en ferbliuwskosten.

De begrutting moat realistysk en slutend wêze en ek in dúdlik byld jaan fan de finansjele opset fan dyn projekt.

Nee, it projekt dêr’tst subsydzje foar oanfregest, mei noch net útfierd wêze op it momint fan oanfreegjen. Meist al wol dwaande wêze mei de ynhâldlike tariedings foar it projekt.

It projekt moat binnen ien jier nei takenning fan de subsydzje útfierd en ôfsletten wêze. Jou yn de oanfraach oan binnen hokker perioade it projekt realisearre wurdt.

Wy beoardielje earst oft dyn oanfraach kompleet is en oft it projekt past binnen de regeling. As dat sa is, nimme wy de oanfraach yn behanneling. It projektplan en it meistjoerde eardere wurk geane dan nei de adviseurs fan it Letterefûns, dy’t de oanfraach ynhâldlik beoardielje sille. Wy besykje dy binnen trettjin wiken it beslút op de oanfraach ta te stjoeren.

Wy stribje dernei om dy binnen trettjin wiken nei ûntfangst fan in folsleine oanfraach te ynformearjen oer it beslút. De útslach wordt fia e-mail tastjoerd.

Oanfragen wurde beoardiele troch eksterne adviseurs op grûn fan de folgjende kritearia:

• De literêre kwaliteit fan it eardere wurk 
  Der wurdt sjoen nei de literêre kwaliteit fan it wurk datst meistjoerst mei de oanfraach. It giet dêrby bygelyks om stilistyske en ferteltechnyske kwaliteiten, de keazen foarm en de gearhing tusken foarm en ynhâld.

• Kwaliteit en helberens fan it projektplan
  It projektplan wurdt beoardiele op ynhâld, gearhing en útfierberens. Ek de begrutting makket hjir part fan út: dizze moat realistysk en slutend wêze. Ek wurdt sjoen nei de rol fan de presintaasjepartner en de wize dêr’t it bedoelde publyk mei berikt wurdt.

• Tafoege wearde foar it literêre oanbod
  Der wurdt beoardiele foar hoefier’t it projekt in oanfolling is op it besteande literêre oanbod, bygelyks troch orizjinaliteit yn foarm of ynhâd, ferbreding of ferdjipping fan it literêre fjild, of it berikken fan nije doelgroepen.

As it fan tapassing is, wurdt ek it ûntwikkelplan beoardiele op kwaliteit, realiteitssin en gearhing mei it projektplan.

Foar takenning moatte alle beoardielingskriteria posityf beoardiele wurde.

As de oanfraach om formele redenen net yn behanneling nommen wurdt, krijst de kâns om letter in ferbettere oanfraach yn te tsjinjen, salang’t de oanfraach oan de formele ynstapbetingsten fan de regeling foldocht.

Is de oanfraach ôfwiisd, dan kinst pas wer in nije oanfraach yntsjinje ast nij wurk hast dat beoardiele wurde kin.

Is de oanfraach honorearre, dan kinst pas wer in nije oanfraach yntsjinje as it einresultaat konform it plan dield is mei in publyk en it eventuele honorearre ûntwikkelingstrajekt klear is. It einresultaat fan dyn earste oanfraach stjoerst mei by de nije oanfraach (en dat wurdt dan troch adviseurs beoardiele).

Neam by de oanfraach de datum fan dyn dielname oan de manifestaasje of aktiviteit en stjoer de flyer (of oar bewiis) fan it programma mei dat oanjout datst op it programma stiest. In link nei in programma of flyer op it ynternet foldocht ek, of oars in sken/foto fan de flyer. Kinst ek in rekken meistjoere.

Soargje derfoar dat by alle publyksuteringen dy’t ferbân hâlde mei it subsidiearre literêre projekt, de namme en it logo fan it Nederlânsk Letterenfûns fermeld wurde. It logo kinst fine ûnder downloads.